“Mijenede ro rej Jerbal: Kalōk Aelōn̄ eo ilo Jerbal im Iakwe,” Liaona, Juļae/O̧k. 2022.
Rūm̧m̧an Ded ro
Mijenede ro rej Jerbal: Kalōk Aelōn̄ eo ilo Jerbal im Iakwe
Ikar ļōmņak bwe jerbal āinwōt Mijenede ro rej jerbal meļeļe bwe ikar jab “lukkuun ekkar.”
Ke Stake Būreejtōn eo aō ekar jinoin kajjitōk ippa n̄e ikōnaan jerbal āinwōt mijenede ro rej jerbal, ļōmņak eo aō jinointata ej, “Aaet!”
Ikar lōke bwe Irooj ekar wōr an jerbal n̄an n̄a bwe in kōm̧m̧ane, im ij tōmak bwe jabdewōt ta eo Ekōnaan bwe in kōm̧m̧ane enaaj boktok eddōk im m̧ōņōņō kōnke Ej iakwe n̄a im ta eo em̧m̧an n̄an n̄a.
Ļōmņak eo aō kein karuo ej “Ta in jerbal in mijenede?”
Stake Būreejtōn eo aō ekar kōmeļeļe ta in jerbal in mijenede ilo amro kar jijjōt ippān doon ilo opiij eo an ilo kar Jabōt eo, ak ikar jab lukkuun meļeļe ak aorōkin ālikin elōn̄ iien tokālik. Ilo kar iien ikar ļōmņak bwe kūr in meļeļe in ke ewōr men en ebwōd kōn n̄a, kōnke ikar jab kar kijōr in loe un eo eļap likin mijenede ro rej jerbal.
Kar ke Aikuji n̄a?
Ikar bōke kūr eo aō n̄an jerbal juon allon̄ m̧okta jān an mijen eo an jinoe. Meļeļe menin bwe ikar io̧o̧n mijenede ritōl ro aō, ped ilo juon kweiļo̧k eļap an mijenede ro rej jerbal ilo eria eo aō, im kar kajjitōk ippa bwe in tōl juon ekkatak ippān doon bar ruo sister ilo eria eo aō m̧okta jān aō kar kajeno̧ļo̧k.
Ikar kōjerbale allon̄ ilo ikōtaan aō bōk kūr eo im ekōnono eo aō n̄an “iļo̧k” (men̄e ne ikar jab etal n̄an aolep jikin) n̄an ekkatak kōn mijenede ro rej jerbal im ro rej jerbal in mijenede ipelaakiū.
Ilo kar kweiļo̧k eo eļap an mijenede ro rej jerbal ikar pād ie, ikar ekkatak bwe elōn̄ mijenede ro rej jerbal, ke rekar kūr er jinoin, rej ļōmņak bwe rej jab em̧m̧an n̄an jerbal āinwōt juon mijenede eo ej itoitak. Ikar jook kōn ļōmņake eo aō make ke ikar kūr.
Ilo mool, ikar jeļā bwe ikar jab bōk kūr in mijenede ro rej jerbal kōnke ekar jabwe jeļāļo̧kjen ippa, ak kōnke en̄in ej ial eo an Jemedwoj Ilan̄ n̄an n̄a. Jon̄an “ikar jab” mijinede ro rej ito-itak; ak, Ekar aikuji n̄a n̄an jipan̄ Kalōk Aelōn̄ eo An ilo jerbal ko jet. Ikar bōk juon naan in kamool ekajoor bwe aolep mijen rej aorōk n̄an Jemedwōj Ilan̄ im aorōk ilo jerbal eo An, kōn aolep mijenede rej ikideelel n̄an jerbal n̄an E im jerbal n̄an ajri ro Nejin.
Ālikin aō ekkatak kōn mijenede ro rej jerbal ilo eria eo aō, jeļā kajeer, im ron̄jake bwebwenato ko aer, ijeļā bwe rekar em̧m̧an, weppan̄ rijerbal ro an Irooj. Ikar jeļā bwe mekarta jet iaad ekar būromōj kōn kom̧im make ilo kar jinoin mijen eo am̧im, kom̧ wōj aolep ekar itok ilo juon wōt jemļo̧k: Irooj ej iakwe mijenede ro rej jerbal im bwe kim ej ped ilo ijo Ekōnaan bwe kōm en ped ie, ekkatak im eddōkļo̧k ilo am jerbal n̄an E āinwōt Pein ilo laļin.
Elmen an Mijenede ro rej Jerbal Kalōk Zaion
Mijenede ro raorōk ilo aolep jon̄an eo rej jerbal ie. Jej aikuji mijenede ro renaaj etal jān baam̧le ko aer im m̧ōko m̧weer ilo ruo iiō ko n̄an katakin im kwaļo̧k kōn gospel eo ipeļaakin laļin. Ak jej barāinwōt aikuj Kalōk Zaion ilo jukjukin pād ko obrak kōn iakwe n̄an ro jet im juon ikideelel n̄an jerbal im kotak ro reiet ilubwiljieer. En̄in ej ta eo mijenede ro rej jerbal rej kōm̧m̧ane. Jej Kalōk Zaion ilo ad kōm̧m̧ane juon manit in iakwe im jerbal. Menin ekwaļo̧k juon karwainene, weppan̄, im kotak jukjuk in ped eo n̄an aolep membōr ro ilo Kabun̄ eo an Jisōs Kraist im Armej Ro Rekwojarjar Ilo Raan-ko Āliktata—membōr ro etto aer pād, ro rekar oktak tok, aolep.
Jerbal in mijenede eo aō ippān Māākijiin ko an Kabun̄ in ekar jipan̄ n̄an loe ewi jon̄an aō jeram̧m̧an. Ikar maron̄ kōjerbale ta ko ikar ekkatak kōn melijon̄ ko ilo mour eo aō n̄an jipan̄ kotak ro jet rej en̄taan. Ikar kajeon kwaļo̧k en̄jake ko aō n̄an ro jet im ilo kōm̧m̧ane menin imaron̄ rōjan̄ ro jet n̄an kwaļo̧k bwebwenato ko aer. Aolep ajri ro nejin Anij rej aorōk. Jerbal in mijenede eo aō ekar jipan̄ n̄a kōtļo̧k bwe in tiram̧o im kōtļo̧k n̄a n̄an iakwe er āinwōt er ilo am niknik n̄an itok n̄an Kraist ippān doon.
Mijenede ro rej jerbal rej bok aer iien im maron̄ kōm̧m̧ane juon Zaion ilo elōn̄ wāween ko ewōr tokjen. Jet rej jipan̄ ilo jerbal in anbwin ilo jikin ko āinwōt Welfare Square ak jikin m̧ōn̄ā ko ilo jukjuk in ped ko. Ewōr mijenede ro rej jerbal n̄an kaiboojoj namojin tampeļ ko im jerbal āinwōt rijerbal in kain ko ilo tampeļ. Jet rej jipan̄ ajeej m̧ōn̄ā n̄an ajri ro ejjeļo̧k kijeer n̄e ej mōj jikuuļ im jerbal n̄an er ilo aer Kalōk er. Jet rej kajeeded gospel eo im kōkajoor membōr ro emōj an lon̄ kadede aer. Ewōr bar mijenede ro rej jipan̄ lale kajjojo iaan wa ko waan jerbal ko an Kabun̄ in.
Mijenede ro rej jerbal rej jerbal ilo wāween ko jet āinwōt kōm̧m̧ani jain ko n̄an bisop ro ilo imōn jar ko, jerbal ippān jikin pija ak kom̧m̧an pija an Kabun̄ in, im karreo elōn̄, elōn̄ men ko n̄an kōjpārok aolep jān COVID-19. Jabdewōt kain jerbal ko ad, jej jipan̄ Kalōk Zaion ilo ad kōpooj jukjuk in ped eo kōn iakwe im ejjab jerbal n̄an kōj make.
Aoleped mijenede rej bōk kwonar kajjojo raan ilo ekkatak jān jeje ko rekwojarjar, katakin kōn lesson ko, etal n̄an katak ko im district kweiļo̧k ko, im kōkajoor im kotak doon im aolep ipelaakid, n̄e ad jerbal ak jaab.
Juon iaan men ko raorōk ij kōm̧m̧ane edikļo̧k jān lukkuun ta jerbal eo aō ippān rem̧m̧an ded ro ilo tiim in Māākijiin ko an Kabun̄ in im eļapļo̧k an āinwōtļo̧k jerbal n̄an mijende ro jet ilo kurup eo ilo lowaan Tampeļ Square. Ij jerbal ilo aō lale bwe ren en̄jake ke jej loe er im ron̄ anikieer im bwe rejeļā ke ij kea kake er im bwe ewōr tokjeer.
En̄in ej ke ta eo aolep mijenede rej kōm̧m̧ane? Ejimwe ke aolep mijenede rej lukkuun lale bwe aolep ipeļaakin laļ in rej ped ijin, ilo aelōn̄ eo an Anij, ewōr juon jikin aorōk im kajjojoj jikin n̄an aolep arji ro Nejin? Mijenede ro rej itoitak rej katakin laļin bwe aelōn̄ eo Anij eped ilo laļin, im mijenede ro rej jerbal rej jipan̄ ro jet loe ta eo aelōn̄ eo ej aikuji āinwōt ilo ad kōpopo n̄an Itok eo Kein Karuo an Rilo̧mo̧o̧r eo—juon jikin būrueer ej oktak n̄an ro jet, ijo jej jerbal ilo ejjeļo̧k kōtar, im ijo jej jipan̄ doon jeļā bwe ewōr tokjeer.
Jerbal āinwōt Rilo̧mo̧o̧r eo—ilo Kōtōpar Juon
Wāween ad jerbal im jabdewōt jikin jej jerbal, juon wōt men aolep mijenede rej kōm̧m̧ane—jerbal āinwōt kar Jisōs Kraist, ilo ad jerbal in karejar n̄an juon.
Elapļo̧k jān ad kakūr m̧ool jerbal eo ad, “un eo ad ej n̄an jipan̄ ro jet itok n̄an Kraist ilo ad jerbal n̄an er āinwōt an nej kar Rilo̧mo̧o̧r jerbal. Jej make bok kwonar ilo jikin jipan̄ ko, makūtkūt an Kabun̄ in, im lowaan jukjuk in ped eo. Jenaaj karejar ilo Etan, kōn kajoor im maron̄ eo An, kōn An Iakwe im jouj.”1
Kōj mijenede ro rej jerbal rej m̧ōņōņō kōn naan ko ilo un eo kōnke jejeļā bwe Rilo̧mo̧o̧r eo ekar jerbal in karejar n̄an kōj kajjojo im jekar en̄jake iakwe im jouj eo An. Emōj aō en̄jake iakwe im jouj eo an Rilo̧mo̧o̧r eo ilo mijen eo aō ilo aō kar itok n̄an jeļā wōn E, ilo an kar melijon̄ aō erōm meram, ilo an naan in kamool eo aō kajoorļo̧k, im ilo an mijenede ro ipelaakū iakwe im kotak n̄a.
Mijenede ro rej jerbal rej pukōt n̄an kwaļo̧k iakwe im jouj an Kraist ippān aolep ipelaaki er, im jej leļo̧k mour kein ad ilo ad kōm̧m̧ane menin ilo aolep iien eo ad ilo mijen— im ilo aolepen mour ko ad