“Kōn Tōl an Irooj,” Liaona, Juļae/O̧k. 2022.
Ainikien Armej ro Rekwojarjar ilo Raan Ko Āliktata
Kōn Tōl an Irooj
Ilo ioļapļap in juon mālijjon̄, ikar katak bwe imaron̄ kōm̧m̧ani men ko repen.
Kōmeļeļe jān Stephanie Hock
Āinwōt juon nōōj in uno in kamejmej ilo US Navy Reserve ilo iien nan̄inmej in COVID-19, kar kamakūt eō im leļo̧k eō bwe in jerbal ilo um̧win emergency ilo aujpitol ilo Jacob K. Jacits Covention Center ilo New York City, leļo̧k kōjparok ilo jinoin an kar ajeeded COVID-19 ilo ijo.
Ke iaar jino jerbal ko aō, elōn̄ inepata ko rekar kobrak kōlmenļo̧kjeņ eo aō. Ekar laptata aō inepata kōn kōjparok rinan̄inmej ro im kadikļo̧k an nan̄inmej in ajeeded.
Ikar en̄jake āinwōt Nipai, kar “Im Jetōb eaar tōl eō, jab jeļā m̧okta men ko in kar kōm̧m̧ani.” (1 Nipai 4:6). Ļōmnak in ekar jipan̄ n̄a n̄an lōke Jemedwōj Ilan̄ im ekkā aō jar bwe in maron̄ ron̄ Ainikien, loore tōl ko An, im leļo̧k kōjparok eo em̧m̧an tata n̄an rinan̄inmej ro aō.
Ilo bon̄en eo jinointata in aō leļo̧k kōjparok, juon rinan̄inmej ekar deļo̧n̄tok ilo kauwōtata. Ke rijerbal ro mōtta im n̄a kar lale, ikar jeļā bwe emaron̄ ekōnono wōt ilo kajin Spanish. N̄a wot ijo imaron̄ kar kajin Spanish, ilo aō kar katak ilo mijen eo aō ilo Venezuela.
Ilo aō kar jino ekōnono n̄an rinan̄inmej eo, ekar kajjitōk elan̄n̄e aolep men renij em̧m̧an. Ikar kōkajoor e, ba n̄ane bwe kar leļo̧k n̄ane kōjparok eo em̧m̧antata. Ikar en̄jake juon aō lōke im aeņōm̧m̧an ilo mejen. Ilo aolepen bon̄en eo, ekka aō kar loļo̧k beet eo an, etale im leļo̧k jabdewōt meļeļe ko rekāāl. Ilo jejjo̧ raan, nan̄inmej eo an ekar em̧m̧anļo̧k im ekar diwōj.
Ilo iien aō kar jerbal, ikar ioon elōn̄ rinan̄imej ro rekar kōnono wōt ilo kajin Spanish. Maron̄ eo aō n̄an ekōnono ippāer ekar leļo̧k aeņōm̧m̧an im kajoor ilo aer mour ļo̧k.
Ilo aō relikļo̧k ilo en̄jake in aō n̄an pukōt tōl jān lan̄ n̄an leļo̧k n̄an rinan̄inmej ro kōjpārok eo em̧m̧an tata, kar kakeemeemej n̄a kōn katak eo an Elder Brook P. Hales ilo Jimjonoul. Ekar ba Jemedwōj Ilan̄ ej pād “ilo kōmeļeļe ko ilo mour ko ad” im bwe “jej maron̄ bōk jiōbtok eo ejjab bōjrak an tōl eo ekwojarjar kōn kareel im im̧we eo an Jetōb Kwojarjar.”1
Ikar m̧ōņōņō kōn maron̄ eo aō n̄an kajin Spanish ej aorōk āinwōt maron̄ eo kōn taktō. Ilo aō kōjparok ro jet, ikar barāinwōt loļo̧kjen ilo iien melijon̄, im kōn tōl an Irooj, imaron̄ kōm̧m̧ani men ko repen.