“Ruum n̄an Eddōkļo̧k,” Liaona, Juļae/O̧k. 2022.
Rūttoļo̧k ilo Tiljek
Ruum n̄an Eddōkļo̧k
Irooj ekar jeļā inaaj kar eddōkļo̧k im wūtwūt bar juon alen.
Enan̄in jejjo̧ iiō ālikin an kar ļeo ippa, Jerold, jako. Kāānjer eo ekar mōkaj an itok im nana ļo̧k, im ilo jilu allon̄ tokālik ekar jako. Kiiō ikar ļōmņak kake ke ikar jerbal ilo nam̧ōj in m̧weo im̧ō
Ke ikar bar kanne juon menin in eddōk, ekar wōr aō ļōmņak. Mokta jān aō kobaj, menin in eddōk eo em̧m̧an an pād. Ekar pād ilo m̧weo ilo bat eo ekar pād wōt ie, ako ekar jab eddōk. Ikar jeļā bwe ne ipan bar ukōt baat eo an, enaaj pōjrak an wūtwūt im emaron̄ pojrak an eddōk. Eban kanoojin em̧m̧anļo̧k an pād.
Innām, ikar leļo̧k ruum n̄an menin eddōk in ilo aō likūt ilo juon baat ekilepļo̧k. Ejjab juon elukkuun kilep—juon ma ruo inij ekilepļo̧k doulul in. Elan̄n̄e inaaj leļo̧k eļap jikin, innem enaaj lap an daak im mej jāān okar nana.
Ikar kōtmene ke menin eddōk in enaaj kar en̄taan ilo an kajeon imenene. Ekar lukkuun kwon, kwon ilo baat eo ekar erom emenene n̄ane. Ekar jab jeļā bwe oktak emaron̄ jipan̄ e bwe en eddōk. Ij aikuj in kajiririk, leļo̧k n̄an meram ekkar, dān, im elōn̄ļo̧k m̧ōn̄ā ko menin aikuj ilo iien an eddōk. Ijeļā enaaj, juon iien, eddōk im wūtwūt bar juon alen.
Ilo aō ļōmņak kōn mour eo aō āinwōt juon eo emej paleen, ikar kile bwe ij āinwōt menin eddōk in. Ikar kwon. Ekar em̧m̧an wōt aō ped. Ak ke leo ippa ekar jako, ikar ron̄ an jetōb unoojdikdik bwe ikar delon̄e juon iien eddōk. Ekar lon̄ men ko ij aikuj ekkatak im kōm̧m̧ane ilo mour in.
Ilo iio kotok ruo, jilimjuon em̧m̧aan ro ilo ward eo am rekar jako. Ikar jino kajjitōk ippen kōrā ro m̧ōtta emej paleer n̄an ippān doon, kōnono, ļo̧lok, n̄an jerbal n̄an ro jet—bwe kajjojo amean en en̄jake jidik emake iaam. Ejjeļo̧k iaam enaaj kar kāālet n̄an “bar jinoe.” Bōtaab ilo aō kajeon imenene n̄an mour in ilo an jako leo ippa, ikar loe bwe imaron̄ leļo̧k jipan̄ n̄an ro jet rej ioon ejjab apan̄ in. Ikar barānwōt loe bwe ewōr iien ko rem̧m̧an n̄an bok aō ippān ajri ro im bubu ro im kakemeemej er bwe kōn Pinmuur eo an Jisōs Kraist, ilo mour eo tokālik baam̧le ko am renaaj bar ippen doon.
Iban kar jeļā bwe eddōk en kar itok n̄an n̄an kōnke ekar jako leo ippa. Bōtaab Jemedwōj Ilan̄ ekar bok kwonaan im “bar jinoe” n̄an, letok ruum n̄an eddōk ilo an likūt iō ilo juon baat ekilepļo̧k—juon apan̄ ekāāl ekar letok juon iien em̧m̧an n̄an eddōk.
Ij missi wōt Jerold aolep raan. Jejjo iiō emootļo̧k, ikab de entaan ilo aō kajeon ilo oktak in mā ejako jān n̄a. Bōtaab ijeļā Irooj enaaj kajiririk n̄a ilo ial in ļo̧k. Ilo iien, ilo ilo lōke E, inaaj eddōk im wūtwūt bar juon alen.
Rijeje eo ej jokwe ilo Idaho, USA.