BWEBWENATO KO AN IJO JOKWE IE
Elmen an Jem̧nere Jipan̄ N̄a Tōprak ilo Jikuul
Āinwōt jodikdik ro jet rej make kauteij ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata, ikar kobalo̧k ilo jemenere ium̧win emān iiō ko. Meļeļein ke ekkatak kōn gospel eo ilo awa ko raitōk kobalo̧k iļo raan in Jabōt im awa ko an baam̧le n̄an ekkatak. Ekar jet iien epen im en̄jake in kajjieon̄.
Ikar jinoe Jemenere ilo 2017 eo ilo Arue Tahiti Stake ilo Pare Ward eo am. Ikar pād ilo kūlaaj 9 ilo jikuuļ iien e, im ikar lukkuun ikideelel in pād uwaan kurup in jodikdik in.
Ilo iiō eo aō kein kajuon, ikar ruj m̧okta jān 5 awa jibbon̄ jān Mande n̄an Bōļaide n̄an etal n̄an m̧okajlo̧k n̄an jem̧enere. Ikar kōm̧m̧ani riit ko aō, im ikar lukkuun bōk kwonaō ilo kūlaaj. Ikar kile bwe jemenere ekar letok juon jem̧jera eo em̧wilal ippān Anij. N̄e ejjab E, iban kar maron̄ kar tōprak aō pāje National Certificate Exam eo an ilo jikuuļ ilo jemlo̧k in kūlaaj 9.
Ilo iiō ko tok ruo, ikar jidik jidik jino jab tiljek ilo eddo ko aō, ekkā aō jako jān jemenere im rumij. Ekar jako ikdeelel eo aō n̄an etal n̄an jemenere, innām ekar diklo̧k aō kijejeto.
Kōn menin, kūlaaj 10 eo aō ekar lukkuun pen, ak ikar jaje ilo iien eo ke menin ej jelete wāween m̧wiliū ilo jemenere.
Ilo kūlaaj 11, ikar jino etal ippān ro mōtta ilo kūlaaj ro rekar bōk kwonaer ilo men ko Kabun̄ ejjab rōjan̄, āinwōt dān in kadōk im kōbatat. Ikar jino aō en̄jake jook bwe ijjab āinwōt ro mōtta im ilo aō jab aitōl er eļaplo̧k.
Kōn menin, kūreet ko aō rekar wōtļo̧k im bwe n̄e in kar bōke Bachelor exam eo aō iiō eo, ij ebweer bwe iban pāje.
Innām, nan̄inmej in Covid ekar ukōt wāween ad mour aolep raan, eo ij kam̧oolol Anij kake. Ke jemenere ekar ijino kōn taļboon ko ad, āinwōt ke n̄an jum̧ae rikōjdat eo ej barāinwōt ajedeed ijo.
Merkarta ekar lon̄ iien ko ij mōjņo̧, ikar kāālet n̄an dāpdep wōt im kajjieon̄ n̄an lukkuun ļoore katak ko ilo jemenere, n̄an bōke men ko rem̧m̧an jān jipan̄ an Anij ilo katak ko aō.
Aō emjak in lo̧mo̧o̧r
Ij kam̧m̧oolol kōn jinō im jema. N̄e en kar jab er eņ kar jako aō jemenere im ļoore ejja ial eo wōt āinwōt ro mōtta rekar jab membōr. Āinwōt rūkaki ro aō rem̧m̧an ippa, rekar lale eō bwe in lukkuun pād wōt ilo aō ekkejelļo̧k ippān Anij.
Innām, aō jemjerā ippān jodikdik ro emourur ilo ward eo aō ekar erom̧ mour eo aō. Makūtkūt ko am ippān doon ej kōkāāl n̄an kajjojo iien ijjab kōņaan. Ilubwiljin rein mōtta ekar Corail Sommers, eo ejjab ekajet ak aolep iien ej ron̄jake im rōjan̄ im kotak eō kōn waanjon̄ak ko an.
Ilo mour ko aer, kajjojo rekar letok jipan̄ n̄an mour eo aō make.
Kijejeto aolep iien ej letok jeraam̧m̧an
Mwil eo n̄an oktak kajjojo raan ilo jeje ko rekwojarjar ekar wōr tokjān ilo iiō eo aō āliktata ilo jemenere, eo ekar bārāinwōt kulaaj 12 eo aō im iiō eo aō āliktata ilo jikuuļ.
Iminene in katak ko aō ilo jemenere ekar kōtlo̧k eō bwe in em̧m̧anļo̧k ilo wāween karōki. Men̄e ejjab em̧m̧an ippa riit, ikar kajjieon̄ n̄an riit kajjojo raan. Ekar kōtlo̧k eō bwe in dāpij wōt jemjera eo aō—barāinwōt eo eaorōk—ippān Jemedwōj Ilan.
Iiō eo, ikar pāje bachelor diploma eo aō kōn nōbar. Ikar bōke laijen in kattōr eo aō kein kajuon aō kajjieon̄. Ikar bōke kūr eo aō n̄an jerbal in mijenede ilo Paris. Ilo aolepān, pein Anij ekar pād ilo mour eo aō aolepān iien eo ikar pād ilo jemenere im ilo jikuuļ.
Relikļo̧k, ij kam̧ool bwe Anij enaaj jipan̄ aolep iien kōnke E ej iakwe kōj.
Jemenere ej lukkuun ta eo jej aikuji āinwōt armej ro rej dik wōt n̄an jipan̄ kōj lōke Anij im kōtlo̧k bwe en anjo̧ ilo mour ko ad. Ekar lōke eō aolep iien.