Mga kausaban sa mga magasin sa Simbahan
Ang dagkong kausaban mahitabo sa mga magasin sa Simbahan sugod sa Enero 2021. Ang Liahona mahimong magasin alang sa hamtong nga mga mambabasa, nga maghatag og usa ka publikasyon alang sa mga hamtong sa tibuok kalibutan. Ang mga magasin sa kabatan-onan ug kabataan, isip independente nga mga publikasyon, maanaa sa tibuok kalibutan. Ug ang digital nga sulod ug mga gipasukip sa lokal nga hinimo nga mga materyal mopalapad ug mopalambo sa mga panabut sa ebanghelyo ug mga kapanguhaan nga anaa alang sa mga miyembro sa Simbahan bisan asa.
Ang ngalan nga Ensign dili na gamiton, ang magasin sa kabatan-onan mailhan na karon isip Alang sa Kalig-on sa Kabatan-onan (nga mopuli sa New Era), ug ang Higala magpadayon isip ulohan sa magasin alang sa kabataan.
Kini nga mga kausaban sa mga magasin mohatag og pipila ka benepisyo sa mga Santos sa Ulahing mga Adlaw libut sa kalibutan:
-
Sa unang higayon, ang mga pamilya sa gawas sa Iningles og sinultihan nga mga nasud aduna nay oportunidad sa pag-subscribe sa mga magasin nga gituyo alang sa kabataan ug kabatan-onan.
-
Sa pipila ka dapit ug mga pinulongan, ang sulod imantala nga mas kanunay kay sa kaniadto.
-
Ang pamilya sa tibuok kalibutan nga Simbahan makadawat sa samang makapahiusa nga mga mensahe pinaagi sa mga magasin sa tibuok kalibutan.