Online nga Sistema alang sa mga Prayer Roll [Lista sa mga Nanginahanglan og Pag-ampo] sa Templo

Usa ka online nga sistema gimugna aron ang mga miyembro makapadala og mga ngalan sa pamilya o mga higala ngadto sa templo alang sa katuyoan nga mabutang kadto nga mga ngalan diha sa prayer roll. Ang mga hangyo nga mobutang og ngalan diha sa mga prayer roll sa templo mahimo na karon pinaagi sa pagbisita sa information page sa bisan hain nga templo diha sa ChurchofJesusChrist.org/temples ug pagklik sa prayer roll nga link. Ang mga hangyo mahimo usab nga buhaton pinaagi sa “Mga Templo” nga seksyon sa Member Tools mobile app. Sa higayon nga mabutang na ang mga ngalan, ipadala kini ngadto niana nga templo (o sa labing duol nga magamit nga templo).

Ang mga miyembro sa daghang mga relihiyon mag-ampo alang sa mga minahal ug sa uban nga nagsagubang og sakit o uban pang mga krisis. Ang mga kasulatan naghulagway og mga ehemplo sa dihang si Jesukristo nag-ampo diha sa mga grupo ug miawhag usab niadtong anaa nga mag-ampo. Kining sama nga binuhatan gibuhat diha sa templo, diin ang mga miyembro maghiusa sa hugot nga pagtuo ug pag-ampo, mohangyo sa Dios sa pagpanalangin sa mga tawo nga ginganlan diha sa mga prayer roll.