Elder Brent H. Nielson
Kapangulohan sa Seventy
Usa sa importanting mga leksyon nga nakat-unan ni Elder Brent H. Nielson human ang usa ka sakop sa pamilya mibiya sa Simbahan sulod sa pipila ka tuig mao nga ang tanan nga anak sa Dios nagkinahanglan sa gugma sa Manluluwas ug sa makaayo nga gahum sa Iyang Pag-ula.
Samtang nagtuon sa Lucas 15 uban sa iyang pamilya niini nga panahon, nadunggan ni Elder Nielson ang sambingay sa anak nga nawala sa bag-ong paagi.
“Sa pipila ka katarungan, kanunay nakong gibati nga sama sa anak nga lalaki kinsa nagpabilin sa balay. … Nianang buntaga, nakaamgo ako nga sa pipila ka paagi ako mao ang anak nga nawala,” miingon siya. “Nakasala ang tanan ug nahilayo sa himaya sa Dios (tan-awa sa Mga Taga-Roma 3:23). Kitang tanan nanginahanglan sa Pag-ula sa Manluluwas sa pag-ayo kanato. Kitang tanan nawala ug kinahanglan nga makaplagan.”1
Si Elder Brent Hatch Nielson gipaluyohan isip sakop sa Kapangulohan sa Seventy niadtong Oktubre 3, 2020, human ma-release si Elder L. Whitney Clayton, kinsa gihatagan og emeritus status.
Si Elder Nielson natawo sa Burley, Idaho, USA, niadtong Disyembre 8, 1954. Sa bata-on pa miserbisyo siya og full-time nga misyon sa Finland. Naminyo siya kang Marcia Ann Bradford niadtong Hunyo 1978 sa Templo sa Salt Lake. Mga ginikanan sila sa unom ka anak.
Si Elder Nielson nakadawat og bachelor of arts degree sa English gikan sa Brigham Young University niadtong 1978. Niadtong 1981 nakadawat siya og juris doctor degree gikan sa University of Utah. Sa wala madugay mitrabaho siya isip abogado ug partner sa usa ka law firm sa Twin Falls, Idaho, USA, sulod sa dul-an 30 ka tuig.
Si Elder Nielson nakaserbisyo isip usa ka magtatambag sa Pacific Area ug sa Philippines Area ug isip Presidente sa Philippines Area. Gikan sa 2015 hangtud 2020, miserbisyo siya isip Executive Director sa Missionary Department.
Sa wala pa ang iyang tawag isip General Authority Seventy niadtong Abril 2009, miserbisyo siya isip presidente sa Young Men sa ward, bishop, high councilor, magtatambag sa kapangulohan sa stake, presidente sa stake, ug Area Seventy sa Idaho Area.