Sistema sa Missionary Referral [Paghatag og Tawo nga Matudloan sa Misyonaryo]: Yano, Paspas
Mas yano ug mas sayon na alang sa mga miyembro ang pagtabang sa ilang mga higala nga makigkita sa mga misyonaryo, tungod sa bag-ong mga update sa sistema sa missionary referral alang sa mga miyembro. Ang gi-update nga proseso sa referral gidesinyo nga dali nga makonektar ang mga misyonaryo ug sa nag-refer nga mga miyembro aron makaplano sila og kasinatian nga makatabang sa higala sa mga miyembro nga labing maayong makaapil sa mga leksyon nga ipresentar sa mga misyonaryo.
Ingon niini ang paagi:
-
Kon ang inyong higala o kaila miuyon nga makigkita sa mga misyonaryo, mosulat lamang kamo og porma sa referral pinaagi sa Member Tools nga app o sa ChurchofJesusChrist.org/referrals. Mahimo usab ninyong ibutang ang inyong impormasyon sa pagkontak ug mubo nga sulat alang sa mga misyonaryo.
-
Human masumiter ang porma, usa ka sister nga misyonaryo nga gisangonan sa pagtabang kalabot sa mga referral sa miyembro mokontak kaninyo. Siya ang mo-assign sa referral ngadto sa eksaktong lokasyon ug motabang kaninyo nga makonektar sa lokal nga mga misyonaryo.
-
Ang lokal nga mga misyonaryo makadawat usab sa inyong impormasyon sa pagkontak uban sa referral. Makahimo kini kaninyo sa paghisgot sa sitwasyon ug sa mga panginahanglan sa inyong gi-refer nga higala uban sa mga misyonaryo. Makahisgot kamo kanila kon unsaon sa pagtabang sa inyong higala nga makaangkon og talagsaong kasinatian. Aduna usab kamoy opsyon nga moapil sa mga leksyon sa misyonaryo kutob sa inyong gusto.
“Ang mga misyonaryo gitudloan nga ang matag referral nga nadawat gikan sa usa ka miyembro kinahanglang tagdon isip usa ka bililhong butang,” miingon si Elder Marcus B. Nash sa Seventy. “Kon ang mga misyonaryo makadawat og referral, gitudloan sila nga mangutana kaninyo kon sa unsang paagi nga labi nilang matabangan ang imong higala. Samtang ang mga miyembro ug mga misyonaryo magtinabangay, ang Ginoo modasig kanila sa paghimo og makahuluganon nga kasinatian aron sa pagtabang sa inyong mga higala nga mas mopaduol kang Jesukristo.”
Kining bag-o nga interactive nga himan kasamtangang gitanyag sa 33 ka pinulongan.