Elder William K. Jackson

Vakaitutu Raraba ni Vitusagavulu

Ni oti e 23 na yabaki vaka vuniwai ni iwasewase ena tabana ni Veiqaravi ki Vanuatani e Amerika, a kerei o William K. Jackson me wasea e 20 na veika sotavi bibi duadua ni a bula ka cakacaka voli ena veiyasai vuravura ka lailai kina na veivakatorocaketaki.

Ni vakasamataka na kerekere oya ni bera na nona soqo ni vakacegu ena cakacaka, a qai kila o koya ni “20 vei ira kece na 20 na ka bibi duadua a sema ki na Lotu se ki na matavuvale,” a kaya o koya.

A sucu o William King Jackson e nai ka 29 ni Maji, 1956, e Washington, D.C., e Amerika, vei E. William kei Lois Andrey Jackson. A tubu cake o koya e Ojai, California, Amerika, ia ena vuku ni nodrau cakacaka vakavolodia na nona itubutubu, a mani vuli talega o koya e Honduras, Algeria, kei Afghanistan.

Ni oti na nona kaulotu ena Tabana ni Kaulotu e Bolivia La Paz, a sotavi Ann Kesler o Elder Jackson ena vulaikatakata ni 1977.

“Vei au e a dodomo saraga ena imatai ni veirai,” a kaya o koya. “Au a tovolea tikoga ena vo kece ni vula ikatakata oya me’u vakadeitaka vua ni sai au dina ga au nona.”

Erau a vakamau e nai ka 29 ni Tiseba, 1977, ena Valetabu e Los Angeles California. Erau nodratou itubutubu e walu na gone, ka tolu vei ira era a vakubeci—mai Idia, Nepali, kei Cambodia.

A vuli o Elder Jackson ena Brigham Young Univesiti, ka rawata e dua na koroi ni bejila ni sainisi mai na Univesiti ni California, e Berkeley, ka ciqoma e dua na koroi ni veiqaravi vakavuniwai mai na Univesiti ni California, e San Francisco, ena 1983.

Ni oti na nona vuniwai vakaitaukei, a qai lai cakacaka i valagi me 26 na yabaki. Wale tikoga oqo a cakacaka voli vaka dairekita ni veiqaravi vakavuniwai ena Valley Family Health Care, e Idaho kei Oregon, e Amerika.

Ni rau a tiko ena taudaku kei Amerika, o koya kei Sisita Jackson dau vakayagataka e levu na nodrau gauna me maliwai ira na imatai-ni-itaba lewe ni Lotu.

“E dua na tiki levu duadua ni noqu ivakadinadina ni kosipeli sa ikoya na noqu dau sarava na veika sa cakava na kosipeli vei ira na tamata oqo keirau lomana,” a kaya o koya. “E veisautaki ira.”

Sa veiqaravi oti o Elder Jackson vaka dua na Vitusagavulu ni iwasewase, peresitedi ni Tabana ni Kaulotu e Idia New Delhi, peresitedi ni Cauravou ena tabana, qasenivuli ni inisitute, ka qasenivuli ni iVakavuvuli ni Kosipeli. Ena gauna e kacivi kina me Vakaitutu Raraba ena Vitusagavulu, a veiqaravi voli o koya vaka-bisopi.