Elder Ciro Schmeil

Vakaitutu Raraba ni Vitusagavulu

O Elder Ciro Schmeil sa dau tovolea tu ga me talairawarawa kivua na Turaga, ena gauna mada ga a sega ni kila kina o koya na vu ni dua na ivakaro. “Ni da sa talairawarawa, ni da sa maroroya na ivakaro,” e sa vulica o koya, “na Turaga ena dau vakalougatataki keda.”

Ena nona vakayacora na nona ilesilesi, e sa raica o koya na veivakalougatataki e lako mai ena talairawarawa. Ni a veiqaravi voli vaka dua na bisopi kei na peresitedi ni iteki, e a vuqa sara na nona madigi talei me “raici ira na tamata me veisautaka na nodra bula ena vuku ni nodra ivakadinadina ni iVakabula, kei na iVola i Momani.”

O Elder Schmeil a sucu e nai ka 16 ni Epereli, 1971, e Ponta Grossa, Paraná, Brazil, vei Bruno kei Erica Schmeil, erau a saumaki ruarua mai ki na Lotu. A tubu cake o koya e Curitiba, Brazil, ka ena gauna erau a kacivi kina me rau vakatulewa ena Tabana ni Kaulotu na Brazil Campinas na nona itubutubu, e a biubiu o koya me laki veiqaravi ena Tabana ni Kaulotu mai Ogden Utah.

Ni a vuli tiko ena Univesiti ni Utah o Elder Schmeil, a sotavi Alessandra Machado Louza sara, e dua na gonevuli mai na Brigham Young Univesiti, ena dua na nodra Lotu. “Ni keirau a sota ena imatai ni gauna ena gauna ni Lotu, a vakalecalecavi au saraga o koya,” e kaya o koya. Ia vei koya, e a dodomo dina ena imatai ni veirai.

Erau a vakamau ena Valetabu e São Paulo Brazil ena Julai 1994 ka vakacavara na nodrau vuli e Amerika. Rau a lesu tale ki Brazil me 20 na yabaki ni bera ni rau toki ki Colorado, e Amerika, ka qai toso sara ki Florida, Amerika. O Elder kei Sisita Schmeil erau itubutubu ni rua na gone.

O Elder Schmeil a rawata e dua na koroi ni vuli vakadaudroini mai na Univesiti ni Utah ena 1995 kei na dua na koroi vaka masita ni veiliutaki vakabisinisi mai na Ohio Univesiti ena 2010. E a sa cakacaka o koya ena Walmart Brasil vaka ivukevuke ni peresitedi ka vaka dairekita ni vakatorocaketaki ni iyauqaqa, vaka vakailesilesi liu ni Scopel, vaka manidia levu ni Cia City, ka wale tikoga oqo vaka iliuliu ni iyauqaqa me baleta na JBS S.A.

Sa veiqaravi oti o Elder Schmeil vaka-Vitusagavulu ni iWasewase, peresitedi ni iteki, daunivakasala ena mataveiliutaki ni iteki, bisopi, peresitedi ni kuoramu ni italatala qase, ka vaka peresitedi ena tabana.