O Aposetolo i le Lalolagi aoao
Ua Asiasi Elder Andersen i Ivory Coast
O se tasi o laasaga muamua i le fausiaina o se malumalu fou o se fonotaga faapitoa e taua o le “suatiaina o le eleele.” O Elder Neil L. Andersen ma Sister Kathy Andersen na malaga atu i Ivory Coast mo le suatiaina o le eleele mo le malumalu fou.
Na faia e Elder Andersen se tatalo e faapaia ai le fanua mo le malumalu fou. O ia ma Sister Andersen na faia ni lauga i le faa-Falani, o le gagana aloaia iina. Fai mai Sister Andersen na te fiafia ona ua faatagaina i tatou e Iesu e ulu atu i totonu o Lona maota, le malumalu. Tatou te maua faamanuiaga iina e le mafai ona tatou mauaina i se isi lava mea i luga o le fogaeleele.
Na faaaoga e tamaiti ni suo lanu auro e fesoasoani ai e “suatia le eleele” mo le malumalu. Ona mafai lea ona amata le fausiaina! E tusa ma le lua tausaga e fausia ai le malumalu.
I le taimi nei o tagata o le ekalesia i Ivory Coast e tatau ona malaga mo le 12 itula i le malumalu e pito lata ane, i le atunuu o Ghana. I ni nai tausaga, o tamaiti ua lava lo latou matutua e faia ai papatisoga o le malumalu o le a mafai ona o atu i se malumalu matagofie i lo latou lava atunuu!
O foliga ia o le malumalu o le a i ai.
Matou te Fia Vaai i le Malumalu
O le auala lea e usu ai e tamaiti le pese “Ou te fia vaai i le malumalu” i gagana eseese e ono. Mulimuli i le laina mai fuaiupu taʻitasi i le gagana sao.
-
Me encanta ver el templo
-
Oh, j’aime voir le temple
-
Eu gosto de ver o templo
-
Jeg elsker herrens temple
-
Ich freu mich auf den tempel
-
Ou te fia vaai i le malumalu