Mau pū ha’api’ipi’ira’a misiōnare

Tē fa’a’ite nei te pū ha’api’ipi’ira’a misiōnare ’āpī i Accra (Ghana), nā reira ato’a te fa’arahira’ahia te pū ha’api’ipi’ira’a misiōnare i Provo (Utah, Marite), i te faufa’a rahi tāmau o te tāvinira’a misiōnare.

E nehenehe te pū ha’api’ipi’ira’a misiōnare tei oti noa a’enei i Ghana e fāri’i 320 misiōnare ’e e nehenehe e fa’arahi fa’ahou atu te pū. Tē fāri’i nei teie fare rahi a’e i te mau misiōnare nō te tō’o’a o te rā ’e te ’apato’a hiti’a o te rā nō Afirika, nā reira ato’a te mau misiōnare nā te ao ato’a nei tei pi’ihia e tāvini i Afirika. Maoti teie mau fare ’āpī, e mea ’ōhie a’e nō te mau misiōnare ’ia ha’api’i nā roto i tō rātou iho reo tumu—te reo peretāne ’aore rā te reo farāni—’e ’ia ha’api’i ato’a i te reo ’e te ta’ere o te vāhi i reira rātou e tonohia nō te ’ohipa.

Maoti te fa’arahira’ahia te pū ha’api’ipi’ira’a misiōnare nō te fenua Firipino, e ti’a iāna ’ia tāta’i piti te mau misiōnare i te fāito 280 misiōnare. E piti fare ’āpī i ni’a e pae, tei pīha’i iho noa i te piha tōro’a o te ārea Firipino ’e i’ō noa mai i te hiero nō Manila (Firipino). Mai te ’āvarira’ahia te pū ha’api’ipi’ira’a misiōnare nō Firipino, ’ua haere mai te mau misiōnare nō 60 fenua.

I roto i te fa’arahira’a o te pū ha’api’ipi’ira’a misiōnare i Provo, tē vai ra e piti fare rahi ’āpī ono tahua, e 200 piha ha’api’ira’a ’āpī ’e hau i te 100 piha ha’api’ipi’ira’a nāhea i te ha’api’i ’e e 13 piha mātini rorouira nō te fa’aineinera’a i te mau misiōnare hou ’a tonohia ai i tā rātou misiōni nā te ao ato’a nei. E nehenehe te pū ha’api’ipi’ira’a misiōnare nō Provo e fāri’i e 3 700 ti’ahapa feiā ’āpī tamāroa, ’aore rā tamāhine ’aore rā misiōnare pa’ari i te hō’ē ā taime.

15 pū ha’api’ipi’ira’a misiōnare tā te ’Ēkālesia i te mau vāhi ta’a ’ē nā te ao.