Te mau parau ’āpī o te ’Ēkālesia
Elder Juan A. Uceda
Peresidenira’a o te Hitu ’Ahuru
I te haerera’a ’oia i te ’oire tahito ra nō Machu Picchu i Peru ’ei taure’are’a misiōnare, ’ua he’e Elder Juan A. Uceda i ni’a i terā purūmu piriha’o. ’Ua haru tōna rima i ni’a i te tahi mau ’āma’a rā’au ’a tautau noa ai i te teitei 610 m i ni’a i te hō’ē anavai, ’ua pure pūai ’oia nō te tauturu. I terā po’ipo’i, ’ua pure vaha noa ’oia, tē parau nei rā ’oia : « i te taime ’ua fātata vau i te pohe, ’ua pure au ma tō’u ’ā’au ato’a ». Tē topa ra ’oia, huti mai nei te tahi misiōnare iāna i ni’a.
Hō’ē ’o te mau ha’api’ira’a rahi tāna i parau ’ua ha’api’i ’oia i terā ra mahana, ’oia ho’i, « e ti’a … ’ia pure i te mau taime ato’a ma te ’ā’au tae, ‘ma te ’ā’au hina’aro mau, [’a fa’a’ohipa ai i] te fa’aro’o i te Mesia » (Moroni 10:4) ».
’Ua pāturuhia Elder Uceda ’ei Hitu ’Ahuru Hui mana fa’atere rahi i te 3 nō ’ēperēra 2010. Tē tāvini ra ’oia ’ei tauturu ra’atira i roto i te tuha’a fa’atere misiōnare ’e ’ei tauturu ārea i roto i te ārea nō te Pae apato’a hiti’a o te rā nō Amerika Apato’erau i te pi’ira’ahia ’oia i roto i te peresidenira’a o te Hitu ’Ahuru, i te 1 nō ’ātete 2017.
Mai 2010 ē 2013, ’ua tāvini ’oia ’ei tauturu i roto i te peresidenira’a ārea nō te pae apato’erau tō’o’a o te rā nō Amerika Apato’a, ’e mai 2013 ē 2016 ’ua tāvini ’oia ’ei peresideni nō te reira ārea.
’Ua pa’ari Elder Uceda i Peru. ’Ua haere ’oia i te fare ha’api’ira’a Jose Carlos Mariátegui Institute i Lima, ’e ’ua ha’api’i ’oia i te nūmerara’a faufa’a ’e te aura’a ’e te huira’atira. ’Ua ha’api’i ato’a ’oia i te fa’aterera’a taiete i te Centro Andino de G.E. Institute. ’Ua noa’a tāna parau tū’ite nō te San Luis Gonzaga University, ’ua noa’a tāna parau tū’ite licence i roto i te aura’a ’e te huira’atira.
’Ua rave ’o Elder Uceda i te ’ohipa i roto i te Fa’anahora’a ha’api’ira’a a te ’Ēkālesia ’ei ra’atira ārea nō Peru ’e Bolivia. ’Ua fa’aru’e ’oia ia Peru i te matahiti 2003 nō te haere i New Jersey (Marite), nō te tauturu i tōne metua tāne ’e tā rātou taiete ’utuāfare.
Mai te taime mai ā ’ua tomo ’oia i roto i te ’Ēkālesia i te matahiti 1972, ’ua tāvini Elder Uceda i roto i te mau pi’ira’a rau, ’ei mau misiōnare rave tāmau i roto i te misiōni nō Lima (Peru), ’ei peresidenira’a Ha’api’ira’a Sābati titi, ’ei ’episekōpo, ’ei melo nō te ’āpo’ora’a teitei, ’ei tauturu i roto i te peresidenira’a titi, ’ei peresideni titi, ’ei peresideni nō te misiōni nō Lima Peru North (1992-95), ’e ’ei Hitu ’Ahuru ārea.
’Ua fa’aipoipo ’oia ia Maria Isabel Bendezu i te ’āva’e māti 1979. E pae tā rāua tamari’i.