Juon Mwiļ āinwōt Kraist
Jān Elder David A. Bednar
Jān Doulul eo an Jon̄oulruo Rijilōk ro
Jān juon kōnono ilo Brigham Young University–Idaho Religion Symposium ilo Jānwōde 25, 2003.
Jisōs, eo eaar ļaptata an en̄taan, ewōr an tūriam̧o n̄an kōj aolep ro me edik ad en̄taan.
MERAM EO AN LAĻ, JĀN Howard Lyon
Elder Neal A. Maxwell (1926–2004) eaar kwaļo̧k juon pedped in katak im eaar kanooj im̧we eō im eaar pedped in aō ekkatak, keememej, im kejōkļo̧kjeņ. Eaar ba, “Emaron̄ kar ejjeļo̧k Pinmuur ijelo̧kin m̧wiļ an Kraist!”1 Jen aō ron̄ ennaan in, iaar kajjieon̄ in katak eļapļo̧k kake im meļeļe ļo̧k kōn naan in “m̧wiļ.” Iaar bar kejōkļo̧kjeņ kōn oktak eo kōtaan m̧wiļ an Kraist im Pinmuur eo An—im jerbal ko kōtaad kajjojo āinwōt rikaļoor.
Mwiļ eo an Irooj Jisōs Kraist
Bōlen m̧wiļ eo kwaļo̧k eļaptata ej n̄an kile jon̄an im kam̧m̧oolol n̄an ro jet me rej en̄jake ejja apan̄ in ak kapo me em̧ōkaj im ejjoon tok kōj. Mwiļ ej kwaļo̧k, n̄an waanjon̄ok, bwe kajoor en kile en̄taan an ro jet n̄e jej make en̄taan; kajoor eo n̄an jeļā an ro jet kwole n̄e jej kwole; im kajoor n̄an leļo̧k jetōb in tūriam̧o kake an ro rej en̄taan n̄e jetōb eo ad ej pād io̧ļapān būrum̧ōj. Lo, m̧wiļ kar kōmeļeļeik ilo lale im tōpar lukkuun aorōkin im an make jerbal itulowaad. Ilo kain wāween in ej ilo m̧ool lukkuun kōm̧anm̧an in m̧wiļ an kanniōk, innām Rilo̧mo̧o̧r eo an laļ ej waanjon̄ok eo em̧m̧an ejjejet kōn m̧wiļ.
Waanjon̄ok kōn Mwiļ an Kraist
These Twelve Jesus Sent Forth, jān Walter Rane
Ilo ruum̧ eo ilo Kōjota eo Āliktata, ilo bon̄ōn eo eaar en̄jake eļap metak me eaar bōk jikin aolep menin kōm̧anm̧an ilo Etan, Kraist eaar kōnono kōn Kaenōm̧m̧an im ineem̧m̧an.
“Men kein iaar kōnono n̄an kom̧, aaet rej waļo̧k n̄an kom̧.
“A Ri Kaaenōm̧m̧an, E Jetōb Kwojarjar, Eo Jema enaaj jilkintok ilo Eta, Enaaj katakin kom̧ men otemjej, im kakememej men otemjej n̄an kom̧, men ko Iar ba n̄an kom̧.
“Aenōm̧m̧an Ij likūt ņa ippemi, Aō aenōm̧m̧an Ij lewōj n̄an kom̧. N̄an Ij lewōj n̄an kom̧, jab āinwōt an laļ lewōj. En jab pok būruemi, im en jab lōļn̄o̧n̄” (Jon 14:26–27).
Kile bwe E make eaar im bōk make en̄taan an jim̧or ineem̧m̧an im aenōm̧m̧an, im ilo jidik iien būruwōn eaar bōlen inepata im mijak, Maajta eo eaar itok im kar leļo̧k n̄an ro jet lukkuun kōjeraam̧m̧an ko emaron̄ kar kōkajoorļo̧k E.
Ilo jar eo em̧m̧an, m̧okta jen an Jisōs etal ippān rijilōk ro An n̄an Cedron ilo Jikin Kallib Gethsemane, Maajta eaar jar kōn rijilōk ro An im aolep ro “renaaj tōmak ilo E kōn an in naan;
“Er otemjej ren juon wōt; āinwōt kwe, Jema, ilo n̄a. …
“… Bwe er barāinwōt ren ilo kōj; bwe laļ en tōmak bwe Kwaar jilkintok eō, im yokwe er, āinwōt Kwaar yokwe N̄a. …
Im Iar kwaļo̧k Etam̧ n̄an er, im I naaj kwaļo̧k e: bwe yokwe yokwe eo Kwaar yokwe Eō kake, en pād ilo er” (Jon 17:20, 21, 23, 26).
Iaar make kajjitōkin eō make ilo kajjitōk ke ij kōļmenļo̧kjeņ kaki im men ko jet me raar waļo̧k ke epaak iien liaakeļo̧k eo An im en̄taan eo An ilo jikin kallib eo: Elmen An kar jar kōn armej im ippān doon eo an ro jet m̧okta jen en̄taan eo An make? Ta eo eaar kōm̧m̧an bwe En pukot aenōm̧m̧an im inem̧m̧an n̄an ro rej aikuji eļapļo̧k jān E? Āinwōt jet rikōjdat jān laļ in Eaar kōm̧anm̧an inem̧m̧an ilo E, elmen bwe En lukkuun mije im lukkuun dipitpit ko im elewetak kōn ro jet? Elmen an kar Maajta eo maron̄ tōpar itulik n̄e en kar dik an armej oktak ilo tulowaa? Juon ennaan jān Elder Maxwell kar letok juon uwaak n̄an kajjojo kōn kajjitōk kein rekajoor:
Mwiļ an “Jisōs’ eaikuj jeje kōn pinmuur eo An ekabwilōn̄lōn̄. N̄e eban m̧wil an Jisōs’ eban kar aikuj wōr pinmuur! An m̧wiļ ej bwe Eaar ‘[en̄taan] kōn kapo ko an aolep armej’ (Alma 7:11), aaet Eaar ‘jab bar’ letok kapo ko (K&K 20:22);”2
Jisōs, eo eaar kanooj en̄taan, tūriam̧o kake eo ej make wōt kōn kōj aolep ro renaaj dik aer en̄taan. Ilo m̧ool, jon̄an en̄taan im tūriam̧o kake eo eaar juon iakwe eo em̧wilaļ kar en̄jake ilo An kar jipan̄ juon.
Kanooj Pukot Iakwe Em̧ool
Ilo mour wabanban in jemaron̄ lo kōjeraam̧m̧an in im kōkm̧anm̧an m̧ōttan ko raorōk kōn juon m̧wiļ āinwōt Kraist. Ilo m̧ool, ekkar bwe kōj ilo mour in jen maron̄ in kajjieon̄ mour jim̧we n̄an bōk menin letok ko an jetōb rej ekkeijeļo̧k ilo maron̄ eo n̄an tōpari im leļo̧k jipan̄ n̄an ro jet me rej ioon ejja kain apan̄ in ak m̧oņ eo ej make wōt im kajjieon̄ anjo̧ iood. Jejjab maron̄ bōk kain jon̄ak in jān kajoor eo ad make ak kōņaan eo ad make. Em̧ool, jej aikuj itok n̄an pedped ioon aikuj eo an “tello̧ke, im tiriam̧okake, im jouj an Messaia Ekwojarjar” (2 Nipai 2:8). Ak “lain im bar lain, jidik ijin jidik ijuweo” (2 Nipai 28:30) im ilo [iien] jerbal” (Moses 7:21), jej maron̄ in tōpar itulik n̄e piktokiid ej oktak tok n̄an tulowaad.
In kwaļo̧k bwe jej aikuj jar, jan̄uwaade, kajjieon̄, im jerbale n̄an bōk juon m̧wiļ āinwōt Kraist eļan̄n̄e jej kōjatdikdik n̄an bōk menin letok an jetōb kōn iakwe em̧ool—iakwe eo em̧ool an Kraist. Iakwe em̧ool ejjab juon ļam̧ļam̧ bajjōk jej aikuj kwaļo̧ke kōn jibadbad im ad kije. Ilo m̧ool jen kōjparok bujen ko ad im mour erreeo im kōm̧m̧an aolep men jej maron̄ kōm̧m̧ani n̄an karbab n̄an menin letok in; ak menin letok eo eļap an iakwe em̧ool n̄an kōj—jejjab wiaiki (lale Moronai 7:47). Irooj ej ļōm̧ake eļan̄n̄e jej bōk aolep menin letok ko an jetōb, ak jej aikuj kōm̧m̧ani ilo kajoor im kōņaan eo ad, jan̄uwaade, karuwainene, im karbab n̄an kain menin letok kein. Ilo ad jerbale ilo juon wāween pukote kōn m̧wil an Kraist, innām bōlen jemaron̄ kwaļo̧k lan̄ ilo juon jekjek ekajoor ilo ad kōņaan kōn juon jetōb in iakwe em̧ool. Ilo alikar jej jeraam̧m̧an kōn menin letok in ilo ad tōpar piktokin armej ilo kōj eļaptata tulowaad.
Jisōs ej RiKraist eo, eo Nejin Emake Wōt Jemād Indeeo. Ijeļā bwe E emour. Ij kam̧ool bwe An m̧wil ekkar kōm̧m̧an bwe jen bōk iien em̧m̧an jim̧or ilo mour in im mour indeeo. Kōm̧m̧an bwe jen tōpar itulik n̄an piktokid make ej oktak itulowaad.