Laajrak in Tōmak ko
Ilir Dodaj
Durrës, Albania
Ilir ej etale kein jerbal ko an ak ļaddik eo nejin ej jon̄e aeitokan.
Ilir im kōrā eo pāleen Gjystina rej bukwelōlō im jar ippān ajri ro nejier.
Jipan̄ eo an Ilir āinwōt juon bisop ekar kwaļo̧k juon waanjon̄ak em̧m̧an kōn ļaddik eo nejin, eo ej ba. “Ewōr juon aō naan in kam̧ool ekajoor. Ij iakwe baam̧le eo aō im ij jar kajjojo raan kōn armej ro rej aikuj jipan̄.
Ilir im ļaddik eo nejin rej etal laļļo̧k ilo kepoon in iaļ ko ilo Durrës.
Ilir im Gjystina rekar membōr in kabun̄ in ium̧win 10 iiō.
Jerbal in jipan̄ ejjab jejjet aolep iien, ak āinwōt juon baba ak juon bisop, Ilir Dodaj ekar kajjieon̄ kwaļo̧k n̄an ro nejin bwe aolep iien ewōr tokjān.
Cody Bell, ripija
Juon sister erūtto ilo ward eo ekar wōr an nan̄inmej in tumōr ilo lojen im aolep raan ej aikuj jipan̄ kōnke ejjab kar maron̄ emakūt jān peet eo an. Āliktata, ekar kajjitōk eļan̄n̄e inkar etal, ejjab bar juon rikabwijer priesthood ak bar jabdewōt armej, kōnke ekar lukkuun nan̄inmej im ekar epaak an mej. Ekar en̄jake aenōm̧m̧an ke bisop eo an ej jipan̄ e.
Juon raan ikar m̧wijm̧wij menono, im ikar jab maron̄ loļo̧k e ilo juon tōre ekadu. Ke ij bar loļo̧k, ekar ba, “Bisop, ewi wāween am itok im jipan̄ eō ke ej kab mōj am m̧wijm̧wij?”
Ikar ba n̄an e, “Kūr in aō ej n̄an jipan̄ ro jet.”
Ekar epaake an jako im ānbwinnin eaar jino an m̧ōjņoļo̧k. Ekar lukkuun pen kalimjōkļo̧k jekjek eo epād ie, ak ekar jab mijak mej. Ekar iakwe Anij im ekar jeļā kōn karōk in lo̧mo̧o̧r eo. “Ijeļā bwe ewōr juon an Anij karōk eaibojooj n̄an eō,” ekar ba.
Ke ej mej, ikar antooneļo̧k iien ko aō ippān im wāween an lukkuun em̧m̧an kūr in aō āinwōt juon bisop. Eļap aō kam̧m̧oolol ilo aō jerbal n̄an ro jet, iakwe ro jet, im jipan̄ ro jet. Ij iakwe gospel in.