O Ata o le Faatuatua
Ilir Dodaj
Durrës, Alepania
O loo iloilo e Ilir ana meafaigaluega a o fua e lona atalii lona umi.
O Ilir ma lona faletua o Gjystina o loo tootutuli i le tatalo faatasi ma le la fanau.
O le auaunaga a Ilir o se epikopo ua faia ai se faataitaiga lelei mo lona atalii, o le na faapea mai. “E i ai sa’u molimau malosi.“ Ou te alofa i lo’u aiga ma tatalo i aso taitasi mo tagata o manaomia le fesoasoani.
O Ilir ma lona atalii o loo savavali i auala o Durrës.
Ua 10 tausaga o avea Ilir ma Gjystina ma ni tagata o le Ekalesia.
O le auauna atu e le o taimi uma e talafeagai ai, ae i le avea ai o se tama ma se epikopo, sa taumafai ai Ilir Dodaj e faaali atu i lana fanau [o le auauna atu] o taimi uma lava e aoga ai.
Cody Bell, le pueata
Sa manaomia e se tuafafine matua o le uarota sa i ai se fula i lona laualo le fesoasoani i aso uma lava, ona sa le mafai ona minoi mai lona moega. Mulimuli ane, sa talosaga mai ai pe mafai ona ou sau nao au, ae le o se isi lava perisitua poo se isi lava tagata, ona sa matuai tigaina lava ma o le a maliu foi. Sa ia lagonaina le lagolelei i le i ai o lona epikopo e faatasi ma ia.
I se tasi o aso, sa faia ai se taotoga o lo’u fatu, ma sa le mafai ai ona ou asiasi atu ia te ia mo se taimi puupuu. Ina ua ou toe alu atu e vaai o ia, sa ia fai mai, “Epikopo, e mafai faapefea ona e sau e fesoasoani mai ia te au pe afai o lena na faatoa uma lou taotoga?”
Sa ou fai atu ia te ia, “O lo’u valaauga o le auauna atu i isi.”
Sa le i toe mamao ae maliu o ia, ma sa amata ona vaivai lona tino. Sa faigata le vaai atu o faapena o ia, ae sa le fefe o ia e oti. Sa alofa o ia i le Atua, ma iloa le ata o le faaolataga. Sa fai mai o ia, “Ou te iloa ua i ai se fuafuaga matagofie a le Atua mo au.”
Ina ua maliu o ia, sa ou toe tomanatu i aafiaga sa ou maua faatasi ma ia ma le manaia o lo’u valaauga o le avea ma se epikopo. Ou te fiafia e auauna atu i isi, alofa atu i isi, ma fesoasoani ia i latou. Ou te alofa i le talalelei.