Tala ia Iesu
Na Asiasi Mai Iesu ia Iosefa Samita
I ni tausaga se tele ina ua mavae le toetu o Iesu, sa faapea ona i ai se fesili a se taulealea e igoa ia Iosefa Samita. Na te lei iloa po o le fea o lotu e tatau ona alu i ai.
Sa faitau Iosefa i le Tusi Paia. Na fai mai, o le a tali mai e le Tama Faalelagi a tatou fesili pe afai tatou te tatalo atu ia te Ia. Sa alu Iosefa i le togavao ma tatalo atu ai i le Tama Faalelagi.
Na afio ifo mai le lagi le Tama Faalelagi ma Iesu. Sa fai mai Iesu, e le tatau ona alu Iosefa i soo se lotu lava, ona latou te lei aoaoina mea uma sa avea ma vaega o Lana Ekalesia.
Ina ua tuputupu ae Iosefa, sa fesoasoani o ia e toe aumai le Ekalesia a Iesu i le lalolagi. Ua ta’ua O Le Ekalesia a Iesu Keriso o le Au Paia o Aso e Gata Ai. E fesoasoani i tagata ia aoao e uiga ia Iesu ma le Tama Faalelagi.
O le faitau i tusitusiga paia e aoao mai ai ia te au mea se tele e uiga i le Tama Faalelagi? A ou tatalo, e mafai foi ona tali mai o Ia.