Mga Tawo sa Kasaysayan sa Simbahan
Ang Kirtland ug ang Pulong sa Kaalam
Guntinga kini nga mga hulagway aron matabangan ka sa pagpaambit sa mga istorya sa kasaysayan sa Simbahan!
Imahe
Kirtland and the Word of Wisdom
Samtang ang unang mga Santos nagpuyo sa Kirtland, Ohio, gisultihan sila sa Ginoo sa pagtukod og templo. (Basaha kon unsay nahitabo human napahinungod ang templo sa D&P 110.) Gisultihan usab sa Ginoo si Joseph Smith nga magsugod og eskwelahan aron matudloan ang mga lider sa Simbahan mahitungod sa ebanghelyo. Daghang lalaki niini nga eskwelahan manigarilyo o mag-usap og tabako. Si Joseph ug Emma dili ganahan sa aso, ug mga katag sa tabako. Sa dihang si Joseph nangutana sa Ginoo unsay buhaton bahin niini, nakadawat siya og pagpadayag nga karon gitawag nato og Pulong sa Kaalam. Mabasa ninyo kini sa D&P 89.