Kon mohunong na ko sa pagtan-aw og pornograpiya sa akong kaugalingon, kinahanglan pa ba gihapon ako nga makig-istorya sa bishop?
Kon kamo nagsige og tan-aw og pornograpiya, kamo giawhag sa “pagpangayo sa tabang nga inyong gikinahanglan. Ang inyong mga ginikanan ug bishop makatabang kaninyo sa paghimo sa mga lakang nga gikinahanglan sa paghinulsol ug pagpalingkawas sa inyong kaugalingon niining makadaut nga gawi” (Alang sa Kalig-on sa mga Kabatan-onan [2011], 12).
Kon kamo mihunong na pagtan-aw og pornograpiya sa inyong kaugalingon, ang pangutana dili gayud bahin sa “panginahanglan” sa pagpakigsulti o dili sa inyong bishop bahin niini. Ang tinuod nga pangutana mao ang “Nganong dili man makigsulti sa akong bishop?” Wala gayuy dili maayo niini. Masinabuton ug maawhagon siya, ug malipay siya sa mga paningkamot nga inyong gihimo sa pagbiya sa inyong mga sala kaniadto. Ang bishop makatabang sa pagsulbad sa inyong bisan unsang nagpabilin nga mga pagduha-duha kabahin sa inyong katakus ug sa ka hingpit sa inyong paghinulsol. Ug siya makatabang sa paglig-on sa inyong hugot nga pagtuo ug pagsalig kang Jesukristo ug sa Iyang maulaong sakripisyo. Sa susama nga mga rason, kamo kinahanglan usab mokonsiderar sa pagpakigsulti sa inyong mga ginikanan.