យោបល់សម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« ភាពខ្លួនទីពឹងខ្លួន និង ការសិក្សាដំណឹងល្អ » ទំព័រ ៤២ ៖ ដើម្បីបង្ហាញអំពីសារៈសំខាន់នៃការទទួលបានពន្លឺខាងវិញ្ញាណផ្ទាល់ខ្លួនរបស់អ្នក សូមពិចារណាអំពីសកម្មភាពនេះ ។ សូមបិទភ្លើង ហើយសូមឲ្យសមាជិកគ្រួសាររបស់អ្នកគូររូបភាពមួយ ។ អនុញ្ញាតឲ្យនរណាម្នាក់ដែលមានពិល ឬ ទានប្រើវាដើម្បីគូររូបភាពតែរបស់ខ្លួនឯងប៉ុណ្ណោះ ។ ពីរបីនាទីក្រោយមក សូមបើកភ្លើងបំភ្លឺវិញ ។ សូមនិយាយអំពីភាពខុសគ្នាក្នុងការបំពេញកិច្ចការ ហើយក្រោយមកពិភាក្សាពីគោលការណ៍ដែលមាននៅក្នុងអត្ថបទនេះ ។
« ធ្វើដូចជាស៊ិបឡុន » « ធ្វើដូចជាស៊ិបឡុន » ទំព័រ ៧៣ ៖ តើមាននរណាខ្លះដែលជាមនុស្សសំណព្វរបស់អ្នកនៅក្នុងព្រះគម្ពីរ ? សូមគិតពីការលេងល្បែងកម្សាន្ត « ការសម្តែងរឿងពីព្រះគម្ពីរ » ឬ « ព្រះគម្ពីររូបភាព » ។ សម្តែងរឿងនៅក្នុងព្រះគម្ពីរ ឬ គូររឿងនោះនៅលើក្រដាសមួយសន្លឹកដោយពុំបាច់ដាក់ពាក្យពេចន៍អ្វីឡើយ ។ សូមឲ្យសមាជិកគ្រួសារទាយរឿងក្នុងព្រះគម្ពីរ ឬ មនុស្សដែលពាក់ព័ន្ធក្នុងរឿងនោះ ។ ក្រោយមក អ្នកអាចអានអំពីមនុស្សទាំងនេះនៅក្នុងព្រះគម្ពីរ ហើយពិភាក្សាអំពីមូលហេតុដែលអ្នកកោតសរសើរពួកគេ ។ តើបុគ្គលិកលក្ខណៈរបស់ពួកគេអ្វីខ្លះ ដែលអ្នកចង់អភិវឌ្ឍតាមនោះ ?