Fofogaina Atu ni Valaauga Fou

Sa fofogaina atu i le taimi o le konafesi aoao, le valaauina o ni Fitugafulu fou e toaono o le Pulega Aoao, o se Au Peresitene Aoao fou o le Aualofa, ma le toe faatulagaga o le Au Peresitene Aoao o le Peraimeri.

Na valaauina e avea ma Fitugafulu o le Pulega Aoao ia Elder Taylor G. Godoy, Elder Joni L. Koch, Elder Adilson de Paula Parrella, Elder John C. Pingree Jr., Elder Brian K. Taylor, ma Elder Taniela B. Wakolo.

O Jean B. Bingham o le a auauna atu o se Peresitene Aoao o le Aualofa, ma Sharon Eubank o le Fesoasoani Muamua ma Reyna I. Aburto o le Fesoasoani Lua. Ao lei maua lana valaauga, sa auauna atu Sister Bingham o se Fesoasoani Muamua i le Au Peresitene Aoao o le Peraimeri. O Bonnie H. Cordon, o le sa avea ma Fesoasoani Lua i le Au Peresitene Aoao o le Peraimeri, sa fofogaina atu o le a avea ma Fesoasoani Muamua fou, ma Cristina B. Franco o le Fesoasoani Lua.

O loo maua ia tala o soifuaga e amata i le itulau e 135. Na fofogaina atu foi ia valaauga o Fitugafulu Eria e toa 36 (tagai i le itulau e 44).