Faifeautali Sili ona Lelei, Faiaoga Sili ona Lelei

I se faasalalauga i le lalolagi atoa, e toeitiiti lava o alii ma tamaitai faifeautalai e toa 71,000 i misiona e 422 na maua ni aoaoga faamasani i le auala e avea ai ma faifeautalai ma faiaoga sili atu ona lelei. Sa fofogaina atu ni suiga sa faamaonia e le Au Peresitene Sili ma le Korama a Aposetolo e Toasefululua o se vaega o le aoaoga. O se fuafuaga fou o le aso o le a mafai atili ai ona fetuunaia le auala o loo faaaoga ai e faifeautalai lo latou taimi ma faamasani atili ai e tusa ma le eria o loo latou tautua atu ai.

O le faamoemoega o le fetuunaia atili o le faatulagaga ina ia fesoasoani i faifeautalai ia faateleina le lelei o le galuega i aso taitasi, seti ni sini musuia, fuafua lelei atili, ia ola maloloina, ma faaaoga lo latou faitalia e faia ai ni faaiuga amiotonu e uiga i le auala sili ona lelei e faaalu ai lo latou taimi. O le a faatagaina foi i latou ina ia galulue mo se taimi umi.

O le isi suiga na fofogaina atu o le faaitiitia lea o le aofai o “faailo autu” e faaaoga e faifeautalai e lipotia ai le alualu i luma i la latou galuega. Sa faamanatu atu i faifeautalai o mataupu faavae uma i le Talai Lau Talalelei e taua ma e tatau ona faaaogaina.