Manatu mo Afiafi Faaleaiga
O lenei lomiga o loo aofia ai tusiga ma gaoioiga e mafai ona faaaoga mo afiafi faaleaiga. O ni faataitaiga nei se lua.
“O Fanau Iti ma le Faamanatuga,” itulau 16: A mavae ona faitauina o ni matua le tusiga, e mafai ona oulua talanoaina ni auala e aoao atu ai la oulua fanau e uiga i le taua o le faamanatuga ma feagaiga o le a latou osia i se aso i le papatisoga. E mafai ona oulua faaaogaina tatalo o le faamanatuga (o loo maua i le Mataupu Faavae ma Feagaiga 20:77, 79) e aoao atu ai e uiga i folafolaga tatou te faia i le papatisoga ma le auala e aai ai ma feinu i le faamanatuga i Aso Sa taitasi, e faatagaina ai i tatou e toe faafou na folafolaga. E mafai foi ona oulua maua nisi manatu e fesoasoani ai i a oulua fanau iti ia taulai atu ai i le Faaola i le taimi o le faamanatuga, e pei o le faia o ni tusi ata faigofie ua i ai ni ata o le Faaola.
“O Se Fua Faatatau o le Aoaoina,” itulau 62: Afai e i ai sa oulua fanau matutua e suesueina ia tusitusiga paia e i latou lava, mafaufau e faitau faatasi ma i latou lenei tusiga ma valaaulia i latou e faataitai ia manatu mai le tusiga. E mafai ona oulua tuu atu i tagata taitasi o le aiga e fai se apitalaaga mo suesuega a le tagata lava ia ma faia ni sini ia tusitusi soo i totonu. E mafai ona ofofua atu tagata o le aiga e faasoa mai ni manatu ma ni uunaiga mai i a latou apitalaaga i ni afiafi faaleaiga i le lumanai.