Elder Gerrit W. Gong

Peresideniraa no te Hitu Ahuru

Te haamana’o nei Elder Guerrit W. Gong, tei piihia aita i maoro a’enei, ia tavini i roto i te Peresideniraa o te Hitu Ahuru, i te muhumuhu ta’na i faaroo a tavini ai oia ei misionare i Taiwan.

Ua tomo mai te hoê hoa no te Ekalesia i roto i te pureraa oro’a. « Ua tupu a’era te mana’o i roto ia’u ia papa’i ia’na i te hoê parau poto i roto i te reta Morse mai teie rii te huru, ‘manava i te haereraa mai i te pureraa oro’a. Te oaoa nei au ia ite ia oe i ô nei ! »

E taata ohipa ratio teie hoa no te Ekalesia e ua mauruuru roa oia i te fariiraa i teie parau poro’i. « Ua faahiahia vau i te mea e, te hoê ohipa ta’u i haapii e râ te tau na mua a’e, ua ti’a ïa ia tauturu mai ia’u […] no te farerei i te hoê taata na roto i te hoê raveraa taa ê », te na reira nei o Elder Gong.

Te haapiiraa mai e te tororaa i te rima ia vetahi ê ra, ua riro ïa ei ohipa matarohia e Elder Gong i roto i to’na oraraa mai to’na tamariiriiraa mai â, i te taime a haapii ai oia i te reta Morse ei tamaiti Scout. I te matahiti 1977 ua farii oia i te parau tu’ite Licence no te ano’ihi (art), tuatapaparaa i te mau pae Asia mâ e tuatapaparaa haapiiraa tuatoru, i te fare haapiiraa Brigham Young University, i te matahiti 1979 ua farii oia i te parau tu’ite Master no te philotopho, e i te matahiti 1981 ua farii oia i te parau tu’ite Doctorat no te mau auraa na te ara i te fare haapiiraa tuatoru no Oxford.

Ua tavini o Elder Gong i roto i te mau piiraa rau o te Ekalesia, mai te melo apooraa teitei, tia’i pupu tahu’a rahi, peresideni haapiiraa sabati titi, orometua haapii no te séminaire, episekopo, peresideni misioni titi, peresideni titi e Hitu Ahuru Area. I te taime a piihia ai oia ei Hitu Ahuru hui mana faatere rahi i te matahiti 2010, te tavini ra ïa oia ei melo no te pupu pae o te Hitu Ahuru i roto i te area no Utaha Apato’a.

I te matahiti 1985 ua tavini Elder Gong ei tauturu taa ê no te mono papa’i parau rahi o te hau Marite haapa’o i te ohipa na te ara, e i te matahiti 1987 ua rave oia i te ohipa ei tauturu taa ê no te ti’a hau Marite i Beijing, i te fenua Taina. Mai te 1989 tae atu i te 2001 ua tavini oia i roto i te mau ti’araa rau i roto i te Pû no te mau tuatapaparaa taa ê na te ara, i Washington, D.C.

Ua fanauhia o Gerrit W. Gong i Redwood City, California, Marite, i te matahiti 1953. E metua oia e ta’na vahine o Susan Lindsay Gong no na tamarii e maha, e e toru ta raua mootua. Ua tae mai te mau metua ruau o Elder Gong i te mau hau amui no marite mai te fenua Taina mai. Ua faatoro oia i to’na reni tupuna tae roa’tu i te u’i 33 te Dagon Gong Matamua, fanauhia i te matahiti 837 i muri a’e i te poheraa o te Mesia i te fenua Taina Apato’a i te pae hoepa o te tau faatereraa a te opu Tang.