Opuaraa rave’a haaparareraa no te Noela

I roto i te pu’e tau noela no 2015, e puhara atu te Ekalesia i te hoê opuaraa rave’a haaparareraa tei parauhia « Ua fanauhia mai te hoê Faaora ». Te faatumu nei teie opuaraa i ni’a i te imiraa, te iteraa, e te peeraa ia Iesu Mesia e te fariiraa i te mau haamaita’iraa tei horo’ahia mai na roto i To’na fanauraa, Ta’na mau haapiiraa, e To’na Taraehara. Te faatumuraa rahi i roto i teie opuaraa, o te hoê ïa video apî e faaite ra i te mau tamarii na te ao ato’a nei te faaite ra i to ratou iteraa papû no ni’a i te Faaora, e te faahanahana ra i To’na fanauraa i Betelehema hau atu i te 2000 matahiti i teie nei. A hi’o i te video e a apo hau atu no ni’a i te faufaa o Iesu Mesia na roto i te haereraa e mata’ita’i i te christmas.mormon.org.