O Peresitedi Eyring ena Soqoni mai na Vatican

A kaciva o Peresitedi Henry B. Eyring, na Matai ni Daunivakasala ena Mataveiliutaki Taumada na “vakadeitaki tale ni bula vakawati mamarau” ena dua na gauna ni soqoni ni veimatalotu ka vakayacori ena koroturaga ni Lotu Katolika ena 18 ni Noveba, 2014. Na soqo oqo, ka yacana “The Complementarity of Man and Woman,” e kauti ira vata mai na iliuliu vakalotu mai na 14 na matavakabauta kei na 23 na matanitu.

“E dua na tagane kei na dua na yalewa, rau sa vauci vata ena vakamau, sa tu vei rau na kaukauwa vakaitamera me rau vakavuna na marau, me baleta na nodrau matavuvale kei ira na tamata era wavoliti rau,” e kaya o Peresitedi Eyring.