Kinaakin riki Tibu te Unaine
E maeka te tia korokaraki i Virginia, USA.
Ibukin teuana mai buakon au mwakuri n te Botaki n Ataeinaine, I anganano bwa N na buoka tinan tamau ni kakaeia ana bakatibu man kaminoan rikaaki baan te mwaikurobirim n te tienta n rongorongon te utu i Mesa, Arizona, USA. Ngkai ti kaai n tekateka ao ni kakae ibukia ara utu, I a moanna ni mimi: “I ataa raoi rongorongon tibu te unaine are e tekateka irarikiu?”
Ti kuneia kaain ara utu aika mwaiti, ti kataraoi rongorongoia, ao ti nako nakon te Mesa Arizona Tembora ni karaoa te bwabetito ibukia ao kamatoakia. N aki maan imwina, e anganai tibu ana riiti n ara ae kabaeaki man rongorongon ana utu.
Ibukina bwa e rootaki n aorakin te toma n rii, e korakora te marakiraki irouna n taibi. I unga ni buokia iaon te kaombiuta. Ti uaia, ni koro karaki iaon rongorongon maiuna ni kakabwaia ake a karekei ana utu n te maiu n tamnei. I tangiria n riki bwa mwakoron maiuna ao e bati reiakinau iaon rongorongon te utu ngkai ti kaai ni mwakuri iaon mwakuri aikai.