Fai ha Fakamāʻopoʻopo

Naʻe lau ʻe Palesiteni ʻAealingi ha lea ʻa Palesiteni Sipenisā W. Kimipolo (1895–1985) ʻoku pehē “ko e ngaahi tohinoá ko ha founga ia hono lau hotau ngaahi tāpuakí pea tuku ai ha fakamatala ʻo e ngaahi tāpuakí ni maʻa hotau hakó.” Naʻe fai ʻe Palesiteni Tōmasi S. Monisoni ʻi he konifelenisi lahi ʻo ʻOkatopa 2012 haʻane fakamoʻoni ki hono hiki ʻo e tohinoá. Naʻá ne vahevahe ha ngaahi meʻa naʻe aʻusia heʻene moʻuí, ʻo pehē, “Kuo tokoni ʻeku tohinoa fakaʻahó, ʻa ia kuo tauhi he ngaahi taʻu kotoa ko ʻení, ʻo ʻomi ha ngaahi meʻa pau naʻe ʻikai ke u mei lava ʻo manatuʻi.” Naʻá ne faleʻi mai, “Fakakaukauʻi lelei hoʻo moʻuí mo kumi pē ʻa e ngaahi tāpuakí, ʻa e lalahi mo e iiki, kuó ke ʻosi maʻú” (“Fakakaukau ki he Ngaahi Tāpuakí,” Liahona, Nōv. 2012, 86). Ngāue ke muimui ki he enginaki ʻa e kau palōfitá ni pea fokotuʻu ha taumuʻa ke hiki ia ʻi hoʻo tohinoá.