I ni‘a i te tere
Te vahi ua faanahohia te Ekalesia
Haere mai ia matou nei no te mata‘ita‘i i te hoê vahi faufaa mau i roto i te aamu o te Ekalesia !
Mai te peu noa’tu ua hinaaro o Maggie raua o Lily E. ia ite tei hea vahi ua faatupu-matamua-hia ai te Ekalesia, aita e faufaa e hi‘o atea roa. Tei te tahi noa pae o te fare pureraa no Fayette, New York, i reira raua e haere ai i te pureraa pauroa te Sabati !
Aita te Ekalesia i faatupuhia i roto i te hoê fare pureraa, tei roto râ i te hoê fare raau. Ua haere mai te peropheta Iosepha Semita i reira no te faaea e te utuafare Whitmer i te matahiti 1829. Aita faahou te fare matamua, ua patuhia râ teie fare raau i tera iho vahi i matamua ra.
I te fare pureraa i reira Maggie raua Lily e haere ai, te vai nei te hoê pû fariiraa ratere e te tahi mau faaiteraa no ni‘a i te fare o Whitmer ma e te mau mea taa ê i tupu i reira.
1. Ua faaoti Iosepha Semita i te iritiraa o te Buka a Moromona i reira.
2. I tera vahi na rapae, e ere i te atea roa i te fare, toru taata tei ite i te merahi Moroni e te mau papaa auro. Te piihia nei ratou Na toru ite no te mea ua faaite papû ratou, e aore râ ua ite ratou i te mau papaa parau. E ite outou i to ratou iteraa papû i te omuaraa o te Buka a Moromona.
3. I te 6 no eperera 1830, fatata 60 taata i tae i reira no te hoê apooraa taa ê. Ua faatupu ti‘a’tu Iosepha Semita i te Ekalesia, e ua haamaitaihia te oro‘a e ua operehia. Te reira te pureraa oro‘a matamua !
4. I muri noa mai i te apooraa, ua bapetizohia Iosepha Semita e te tahi mau taata e rave rahi i te hoê vahi i rapae.
Hoho‘a na Brent Walton ; faahoho‘araa na Robert T. Barrett © IRI ; Faatupuraa o te Ekalesia, na Robert T. Barrett, eiaha e tahoho‘a