Afai e fesili tagata pe aisea tatou te auina atu ai faifeautalai i atunuu Kerisiano, o le a lau tala e fai atu ia i latou?
Ata na tusia e Sway Chavez
Mo le tele o tagata e le o ni tagata o la tatou Ekalesia, o le “galuega faafaifeautalai” o lona uiga o le malaga i se atunuu laitiiti mamao, mo se faataitaiga, e mafai ona aoaoina tagata e le o ni Kerisiano i le faa-Kerisiano ma o nuu e mafai ai ona faatino ia galuega fesoasoani alofa. Afai la latou te iloa o loo fai e la tatou Ekalesia “galuega faafaifeautalai” i totonu lava o o latou tuaoi, atonu latou te tomanatu pe aisea.
O le savali o loo faasoa atu e a tatou faifeautalai e mo le lalolagi atoa, o le mea lea tatou te auina atu ai i latou i le lalolagi atoa. Tatou te talitonu ua toefuataiina le talalelei a Iesu Keriso, e aofia ai le Ekalesia a Keriso ma le pule o le perisitua e manaomia e faatino ai sauniga, e pei o papatisoga. Ua na o le pau lava lenei o le Ekalesia ua toefuatai i ai le atoaga o le talalelei. Ona e manaomia e tagata uma ona faalogo i lenei savali, e aofia ai i latou o i nofoaga ua leva ona i ai se tu masani o le faa-Kerisiano, o lea ua tatou auina atu ai faifeautalai i tagata uma lava.