Faamatalaga
O Mea Laiti ma Faatauvaa
O loo auauna atu lou atalii o Taylor (Elder Mulford) i se misiona i le motu o Bora Bora i Tahiti. Sa ia tau maia ia te au e lei leva talu ai nei na sau ai le peresitene o le siteki i Bora Bora ma tau atu i faifeautalai faamisiona lona asiasi atu i se tagata oti ulu, o se tagata lotu, e oti lona ulu. Na ia fesili i le oti ulu pe aisea ua leai ai ni mekasini o le Liahona faapea ma isi mea mo ana malo e faitau. Na folafola atu e le oti ulu o le isi taimi e sau ai, o le a i ai Liahonaiina. Ae peitai, o le isi taimi na alu atu ai le peresitene o le siteki i le oti ulu, e lei i ai lava ni Liahona. I lona faanoanoa tele, na ia fesili ai i le oti ulu pe aisea. Na faamalamalama mai e le oti ulu o taimi uma lava na te tuuina ai se Liahona i luga, e faitau e se tagata, fesili atu ni fesili se tele, ona fesili mai lea pe mafai ona ave ma ia. Na fai mai le oti ulu ua leai ni ana mekasini e tuuina atu, ae na ia faaopoopo mai o le tele o tagata na aveina mekasini ua fai nei a latou lesona ma faifeautalai.
Pe mafai ona e mafaufau po o le a se mea e tupu pe afai e tuu e fomai, fomai nifo, ma oti ulu uma o le Ekalesia ni nai mekasini a le Ekalesia i totonu o lona potu faatalitali? Ua agai i luma le Ekalesia ona o mea laiti ma faatauvaa ua faia e tagata lolotu.
Burdell Mulford, Iuta, ISA
Faamolemole auina mai ni finagalo faaalia po o fautuaga i le liahona@ldschurch.org. E ono faapupuuina tala mo le uumi po o le manino.