Tohi ki he ʻĒtitá
Naʻe Akoʻi Au ‘e he Kau Paioniá
Naʻá ku loto foʻi ‘i Tīsema ‘o e taʻu kuo ‘osí pea ‘ikai ke u toe fie teuteuʻi ‘e au hoku falé pe fakamanatua e Kilisimasí. Fāifai peá u toki lau ‘i ha fakamatala he Liahona ‘o Tīsema 2011, naʻe fakamatalaʻi ai e founga hono fakamanatua ‘e he kau paioniá ‘a e Kilisimasí: naʻa nau hulohula ki ha fasi naʻe mapumapuʻi he naʻe ‘ikai ke ‘i ai haʻanau ngaahi meʻalea—neongo naʻe ‘ikai ke ‘i ai haʻanau ngaahi meʻaʻofa pea siʻi mo e meʻakaí (vakai, “Kilisimasi ki he Kau Fuofua Paioniá” ‘i he “Fanga Kiʻi Meʻa Iiki mo Faingofuá,” 9). Naʻe tokoni kiate au ‘a e fakamatala ko iá ‘o liliu ‘eku fakakaukaú mo hoku lotó. ‘Oku ‘i ai e taimi ‘e niʻihi ‘oku ‘ikai ke tau fakatokangaʻi pe fakamahuʻingaʻi ‘a e kihiʻi meʻa ‘oku tau maʻú.
‘Ana Losa ti Melo Feleila, Lio ti Senelo, Palāsila
Fekumi ki he ‘Otuá he ‘Aho Kotoa pē
Fakamālō atu ‘i he makasini ‘o Sānuali 2012. Naʻá ku fiefia mo hoku husepānití ‘i hono lau e fakamatala ‘a ‘Ātama C. ‘Olosoní (Adam C. Olson), “Ko Hono ʻIloʻi e Fakaofo ʻo e Māmaní … mo e Fakaʻehiʻehi mei he Ngaahi Fakatuʻutāmaki ‘o e Fakahōhōloto Fakalaumālié,” (peesi 20). Naʻe tokoni ia kiate kimaua ke ma fakatokangaʻi ‘ema fie maʻu taʻe-tuku ke fekumi ki he ‘Otuá’ i he ‘aho kotoa ‘o ‘ema moʻuí. ‘Oku ou ‘iloʻi ko e ngaahi pōpoaki ‘i he makasiní naʻe ueʻi fakalaumālie ia he ko e lahi taha ‘o kinautolú naʻe ongo ki heʻeku moʻuí ‘i he taimi naʻá ku fie maʻu lahi taha ai kinautolú.
Taiana Alaseli Pelokui ti Iannone, Puenosi ‘Aealesi, ‘Āsenitina