Ko ʻEtau Pēsí

Alina A., taʻu 7, ʻIukuleini

Ko Hoku Fāmilí, fai ʻe Lucas O., taʻu 5, Palāsila

Ko e Temipalé, fai ʻe Scherryan P., taʻu 10, Haʻamoa

ʻOku manako ʻa ʻIusini Y., taʻu 12, mei Malēsiá ke veimau faka-Siaina mo ʻene kui tangatá. ʻOku toe saiʻia foki ke vaʻinga pasiketipolo mo petiminitoni ʻi hono taimi ʻataá mo hono ngaahi kaungāmeʻá. ʻOku manako ke fakakaungāmeʻa foʻou mo fanongo ki he ngaahi hiva faka-Siainá.

ʻOku Mau ʻIloʻi ʻOkú Ne Moʻui Mo ʻOfa ʻIate Kimautolu

ʻOku mau lau ʻa e folofolá mo ako ʻa e ngaahi akonaki ʻa Sīsū Kalaisí mo ʻemau mātuʻá he efiafi kotoa pē. Ko e taimi ʻoku mau fanongo ai ki he lea ʻa e kau taki ʻo e Siasí ʻi he konifelenisí mo toʻo hangatonu mei he folofolá, ʻoku mau ʻiloʻi ʻa e ngaahi akonakí koeʻuhí he ne mau ʻosi ako ia mo homau fāmilí. ʻOku mahino kiate kimautolu ʻa e mahuʻinga ʻo hono ako fakaʻaho ʻo e folofolá. ʻOku mau ʻilo ko e fānau kimautolu ʻa e Tamai Hēvaní, ʻokú Ne moʻui, pea ʻokú Na ʻofa mo Sīsū Kalaisi ʻiate kimautolu.

Tōmasi A., taʻu 8; ʻElone A., taʻu 6; mo Sesilia A., taʻu 10, ʻAsenitina

ʻOku ou Manako ke Fokotuʻu Ha Ngaahi Taumuʻa

Naʻá ku tuitui ha pilo ʻo tuʻu ai e fakatātā ʻo Sīsuú koeʻuhí he ko e taha ia ʻo ʻeku ngaahi taumuʻá. ʻOku ou fakamālō ʻi hoku papitaisó. ʻOku ou manako ke tauhi ha kiʻi tohi ke u lava ai ʻo hiki ʻeku ngaahi taumuʻá. ʻOku ou saiʻia ke fai ha ngaahi meʻa, pea ʻoku ou siofi ʻeku fineʻeikí mo fai maʻu pē ʻa e meʻa ʻokú ne fakahokó.

Miliame C., taʻu 8, Mekisikou