Faamatalaga
Ou Te Lagonaina le Agaga Pe a Ou Faitau
Ou te faafetai i taumafaiga uma o loo faia e gaosi ai le Liahona, ma ou te lagona le Agaga pe a ou faitau i ai. Talu ai nei sa ou suesue ma mafaufau loloto ai i le savali a Peresitene Dieter F. Uchtdorf, “Faatalitali i le Auala i Tamaseko” (Liahona, Me 2011, 70). O lenei tusiga ma isi tusiga i le mekasini ua fesoasoani ou te alualu ai i luma ma maua vaifofo i o’u vaivaiga.
Elder Emined Edward Ashaba, Misiona a Aferika i Saute Durban
Savali mai le Atua
I le Liahona ou te maua ai savali mai le Atua—e tauala mai i Ana auauna, o perofeta ma aposetolo soifua. O i latou o e sailia le taitaiga faaleagaga o le a mauaina tonu lava pe afai latou te suesueina le mekasini ma se loto atoa i ai.
Manuel de Araujo Fernandes, Mozambique
O Taimi Uma Lava Ou Te Maua Ai Tali
O le Liahona ua faamalosia la’u molimau e alolofa ma popole le Tama Faalelagi ma Iesu Keriso ia i tatou taitoatasi. E ese lo’u fiafia e faitau le mekasini i masina taitasi aua ou te maua ai i taimi uma ia tali i a’u tatalo. Ou te faafetai mo le avanoa e maua ai fetalaiga a le Alii i lenei auala.
Carlota A. Bosotros, Filipaina