Ko ʻEtau Pēsí
Naʻe fiefia e fānau Palaimeli ʻo e Uooti Vile-Malié mei he Siteiki Monituliolo Kuepekí, mo ʻenau kau faiakó mo e kau takí he ʻaʻahi ki he Temipale Monituliolo Kuepekí. Naʻa nau angalelei mo ʻapasia ʻi hono talitali lelei kinautolu ʻe he kau palesitenisī ʻo e temipalé mo takimamata kinautolu ʻi he kelekele ʻoku tuʻu ai e temipalé. Naʻa nau saiʻia ʻi he sio ki he ngaahi matalaʻiʻakau lanu kehekehé mo e temipale fakaʻofoʻofá. Naʻa nau toe sio foki ʻi he foʻi filimi kau ki he temipalé, pea naʻa nau takitaha ha kiʻi kaati naʻe tuʻu ai e fakatātā ʻo e temipalé.
Selemaia P., taʻu 10, Haʻamoa
ʻOku saiʻia ʻa Maikolo G. (toʻomataʻú), taʻu 11, mei Panamaá, ʻi heʻene ngaahi kalasi kalaté pea ako mālohi ʻi ʻapiako. Naʻe tuʻo taha ʻene hoko ko e “pule ako ʻo e ʻahó” ʻi hono ʻapiakó koeʻuhi ko e lelei hono māká.
ʻOku ʻosi hoko ʻa Maikolo ko ha faifekau loto-toʻa.ʻI he taimi naʻe fokotuʻu ai ʻe he Siasí ha palepale maʻuʻanga fakamatala ʻi he fea fakavahaʻapuleʻanga ofi ki he ʻapi ʻo Maikoló, naʻá ne tuʻu mo ʻene ongomātuʻá ʻi he hūʻanga ki he feá ʻo tufa ki he kakaí ʻa e fanga kiʻi tohi tufa kau ki he Siasí, mo fakaafeʻi kinautolu ke nau ʻaʻahi ki he palepale ʻa e Siasí. Naʻá ne ʻoange foki ha kaati tufa ki he fāmili ʻo hano kaungāmeʻa, pea naʻe akoʻi kinautolu ʻe he kau faifekaú fekauʻaki mo e Siasí. ʻOkú ne hanganaki fiefia atu ki haʻane ngāue fakafaifekau taimi kakato.
Ko ha Lotu ke Maʻu ha Fakafiemālie
Ne tuʻo ua ʻeku misi he pō ʻe taha naʻe vela homau falé pea vela ai e meʻa hono kotoa. Ne u manavahē ʻaupito hili ange ʻeku misí. Ko ia ne u lotu ki he Tamai Hēvaní ke ʻoua muʻa te u toe misi pehē. ʻI heʻeku toe mohé, ne u misi ʻoku ou ʻi ha feituʻu fakaʻofoʻofa. Ne u ongoʻi nonga ʻaupito pea ʻikai ke u kei manavahē.
Nivia ʻEniselika A., taʻu 10, Mekisikou
Toʻomataʻú: tā fakatātaaʻi ʻe Adam Koford