Tōreej Keke Ekōōj an Kidia ko Aō
Sandra Jennings, New Mexico, USA
Ewōr juon aō pija in tōreej keke ko rākōj in ruo kūdia jiddik me Iaar jerbale enan̄in juon iiō. Enan̄in kar dedeļo̧k ke Iaar lo bwe Iaar kōm̧m̧ane juon bōd ilo kūlaar eo an juon iaan kūdia ko. Jān ke eaar juon kōļaar eo emaron̄ in ņooj kūdia eo, Iaar jab kile bōd eo aō m̧ae iien eo Iaar lo bwe kōļaar eo an kidia eo eaar jab jokkuun wōt juon ippān kōļaar ko an kōbba eo.
Iaar inepata. Iaar joļo̧k aolep iien eo jerbale pija eo, im kar ļōmņak eo n̄an mijaļ aolep kekek tōreej ko an kōļaar eo ebōd enan̄in kar tōr jān jon̄an. Kōn dān in kemejaaļaa ilo meja, Iaar kōpeļļo̧k nien jokpej eo im kar joļo̧k pija eo ilowaan.
Iaar jijet ilo tebōļ eo ijo Iaar kakuuņ kein keke ko aō n̄an būrom̧ōj kōn pija in kūdia eo aō aiboojoj im ilo̧k wōt n̄an būroojāāk ko jet. Bōtaab Iaar jab maron̄ kōm̧m̧ane—Ijjab maron̄ joļo̧k e būroojāak eo Iaar kanooj buuļ jerbale. Iaar kōpeļļo̧ke jikin jokpej eo im kar bar bōk nuknuk eo. Iaar lo juon loklok itulikin kōļaar eo ebōd im kar kōkōm̧anm̧ōn jeļaat e. Kapdooik pija eo, Iaar jino mimjaaļ tōreej.
Jet iien mimjaaļ eo eaar m̧ōkaj. Iien ko jet Iaar lo bwe ekanooj in pen. Iaar jab jeļā ekōjkan jeļaat ta eo Iaar kōm̧m̧ane. Jet iien Iaar aikuj in m̧wijit tōreej ko juon keke illo̧k juon. Ennaan eo an me ļaddik eo nejū eaar ba eaar bwilōn̄ bwe Iaar kōņaan kōm̧m̧ane aolepen jerbal n̄an kōm̧m̧an bwe en jim̧we. Eaar juon pija in juon keke ekōōj, ālkin men otemjej.
Ke Iaar mijaaļ keke ko, Iaar jino ļōmņak kōn ukweļo̧k im ewi jon̄an an kar pen kajim̧we jet iaan bōd ko Iaar kōm̧m̧ani. M̧ool in ukweļo̧k ej aikuji juon ikirelel ekajoor, im en̄taan, bōtaab ewōr tokjen.
Ke Iaar bar kiij kūdia eo, Iaar kememej bwe ukweļo̧k eo Pinmuur eo an Jisōs eaar kōm̧m̧ane n̄an kōm̧akūt māār in jerawiwi jān mour eo aō im jipan̄ eō jino juon kāāl. “Kūdia in ukweļo̧k ko” aō raar etoto ilo m̧weo im̧ō, em̧m̧an bōtaab juon kakememej aorōk n̄an kōm̧m̧ane ta eo ejim̧we, iaar jab ebbwe ke Iaar likjab, im kememej bwe kōn ukweļo̧k, Pinmuur eo enaaj kōm̧m̧ane likjab ko.