Ejjab Itok Limōu ilo Kabun̄ in
Tanintoa Sexton, Marshall Islands
Iaar jab kōņaan jadewōt kōn Kabun̄ in ke lio pāleō eaar kajjitōk eļan̄n̄e mijenede ro remaron̄ kar katak ippān ļaddik ro nejimro. Bōtaab Iaar jab jab kōnke lio pāleō eaar juon membōr kadede.
Ke mijenede ro raar jino itok aer itok n̄an m̧weo im̧ōm ruo kōttan juon wiik, Ikōn etal n̄an m̧weo iturin wōt m̧weo im̧ō m̧ōn eo m̧ōtta. Eo m̧ōtta eaar juon eo ekajoor ilo bar j uon m̧ōn jar an Rikirijin. Aolep iien Iaar loļo̧k e, eaar kōņaan wōt kōnono kōn Baibōļ. Iaar jiron̄ e Iaar jab itok limōu ilo kain men jab in im jab kōņaan ekkatak kōn kabun̄. Bōtaab eaar kajion̄ n̄an kareel eō, im āliktata Iaar ba aaet. Kōn menin ium̧win juon tōre aitok Iaar ekkatak kōn Baibōl eo ippān eo m̧ōtta ilo an mijenede ro kar katakin ļaddik ro nejū.
Juon raan eaar iien n̄an an mijenede ro itok n̄an m̧weo im̧ōm. Bōtaab ijello̧kin ilo̧k, Iaar jokālōt n̄an pād wōt ilo ruum̧ eo juon. Ke mijenede ro raar jino katakin ļaddik ro nejū, Iaar aō make kōņaan ron̄jake eļapļo̧k. Iaar epaakļo̧k im epaakļo̧k wōt n̄an kōjām eo n̄an an em̧m̧an aō ron̄jake. Raar katakin ļaddik ro nejū kōn rijilōk ro im rikanaan ro.
Tok ālik Iaar kile Iaar kōņaan katak eļapļo̧k. Iaar kōnono ippān mijenede ro im jokālōt n̄an bōk katak ko jān er—n̄a ļo̧k iaaō. Lio pāleō eaar pād aolep iien, bōtaab ejjeļo̧k juon eaar jeļā kake.
Kōn menin ke mijenede ro raar itok n̄an katakin ļaddik ro nejū ruo kōttan juon wiik, Ikōn ilo̧k n̄an m̧weo im̧ōn eo m̧ōtta. Innām, ilo bar juon raan, raar katakin eō.
Juon raan ke eo m̧ōtta eaar ba juon men enana kōn Kabun̄ in, Iaar bōbrae. Āinwōt armej ro ilo Marshall islands, eaar jab jeļā kōn Kabun̄ in im bōd an meļeļe kōn men ko Armej ro Rekwojarjar ilo Raan Kein Āliktata rej tōmak kaki. Ke eaar ba men ko jet renana, Iaar bar juon alen bōbrae Kabun̄ in.
En̄in eaar jekjek eo eaar wōnm̧aanļok ium̧win jimjuon allōn̄ ko. Innām juon raan Iaar kile bwe Jetōb Kwojarjar eaar kapen n̄an eō bwe aolep men ko mijenede ro raar katakin eō raar m̧ool. Iaar kile bwe Iaar aikuj in peptaij, men̄e eaar ļap an dik ijo Ijeļā kōn ko̧jpeļ eo.
Ālkin peptaij eo aō ilo 2007, Iaar lukkuun m̧ōņōņō. Kōm kar jino kakkoņ jāān n̄an etal n̄an tampeļ eo ilo Hawaii, ijo lio pāleō, ajri ro jilu nejim, im N̄a kar liāp ilo Tijem̧ba 2008.
Erom juon membōr an Kabun̄ in eaar kōm̧m̧ane juon oktak kileplep ilo mour e aō. Iaar jokālet n̄an kam̧ōj eō jān jerbal eo aō kein karuo kōjan̄jan̄ ilo juon im̧ōn m̧ōn̄ā kōnke ekōn rum̧ūj aō rool n̄an m̧weo im̧ō im nuknuk ko aō rekōn kanooj bwiin baat in jikka. Kōjekdoon an luuji kōļļā eo juon, Irooj eaar kejparok kōm.
Ijeļā bwe Kabun̄ in ej m̧ool im bwe Joseph Smith ej juon rikanaan an Anij kōnke kōn Jetōb eo Iaar en̄jake im kōjeram̧m̧an ko me Iaar būki.