Ennaan
Ej Kōmeraik Eddo ko Ad
Ij iakwe mākjiin in im aolepen kobban. Ij iakwe ennaan ko jān Riutiej ro an Kabun̄ in, eļaptata kōnono ko ilo kweilo̧k ko reļļap. Rej katakin kōj im kōketak kōj n̄an wōnm̧aanļo̧k wōt, jekdoon mālijon̄ ko ad.
Em̧ōj aō membōr in Kabun̄ in ium̧win 26 iiō ko, im em̧ōj aō riiti aolep mākjiin an Liaona eo. Ekkā aō riiti aolepen mākjiin ko rem̧or, im juon ennaan Iaar kanooj kaorōk e ej “Jouj ko an Irooj Rōtōnwadik,” jān Eļtōr David A. Bednar (Māe 2005, 99). Ej jipan̄ eō kememej ewi emakijkij an Jemed Ilan̄ kobaik tok jouj ko An rōtōnwadik im ej kōmeraik ļo̧k eddo ko ad rōddo.
Iolanda Valenti, Jān Italy
Katak ko rej Itok jān Irooj
Eļap aō kam̧oolol aolep allōn̄ n̄an bōk naan ko an rikanaan ro remour. Ijeļā katak ko aer rej itok jān Irooj im renaaj kōjeram̧m̧an mour eo aō eļan̄n̄e Ij kōjerbali. Riiti en̄jake ko an Armej ro Rekwojarjar ipeļaakin laļ in ej kōkajoorļo̧k tōmak eo aō im naan in kam̧ool eo kōnke Ij katak ta eo ro jet rej kōm̧m̧ane n̄an anjo ioon eddo ko aer.
Byron David Calderon Mosquera, Ecuador