Ļōmnak ko Kōn NOKON IN Jota an Baam̧le
Peba in epād ie bwebwenato im m̧akūtkūt ko me remaron̄ in jerbal n̄an iien Nokin in Jota an Baam̧le. Laajrak in rej jet waanjon̄ak ko.
“Kememej E Iien Otemjej” peij 20: Ļōmņak in ekōnono āinwōt juon baam̧le āinwōt kapilōk eo an Eļtōr Christofferson “Jemaron̄ jinoe kōn kūrijļo̧k aolep men jān mour ko ad innām bar kōrooli ilo laajrak ejejjet kōn an Rilo̧mo̧o̧r eo pād ioļapļap.” Ļōmņak in kōnono kōn jet iaan kōjeram̧m̧an ko Eļtōr Christofferson ej kwaļo̧ki me rej itok ilo ad “kememej Rilo̧mo̧o̧r eo iien otemjej.”
“Kajoor In Jeje Ko Rekwojarjar,” peij 52: Ālkin riiti bwebwenato in ippān doon, kūr membōr ro an baam̧le eo n̄an kwaļo̧k en̄jake ko aer kōn riiti jeje ko rekwojarjar im etal n̄an jemeneri. Kūr er n̄an je ilo journal ko aer naan in kam̧ool ko aer ikijien kajoor eo an jeje ko rekwojarjar. Kōketak ajri ro nejimi n̄an ekkatak im kakilōklōki eoon ko an scripture-mastery eo.
“Rijojomar Eo Jisōs Kraist,” peij 56: Ilo ami riiti bwebwenato in ippān doon, kūr baam̧le eo am̧ n̄an ron̄jaki aorōk ko an rijojomar eo. Kajjitōk ippāer ta eo enaaj kar waļo̧k eļan̄n̄e rijojomar eo eaar jab jipan̄ em̧m̧aan eo em̧uri. Kom̧ maron̄ barāinwōt riiti jeje ko rekwojarjar kōn im ekōnono ekōjkan an Rilo̧mo̧o̧r eo ad rijojomar. Ļōmņak in riiti 2 Nipai 2:27–28 im Alma 42:24–25.
“Ekkōņak Nuknuk” peij 70: Ļōmņak in kūr membōr in baam̧le eo am̧ n̄an kōņak juon nuknuk ak etan ke āinwōt ro jet. Leļo̧k n̄an kajjojo armej iien em̧m̧an n̄an kwaļo̧k wōn er. Ālkin riiti bwebwenato eo, kōmeļeļeik bwe jekdoon ta jerbal eo jej ikkur kake, jej iien otemjej ajri ro nejin Anij.
Tōre in M̧ōņōņō ko im Ekkeijel ko Indeeo
Ke ajri ro nejū raar iddik, raar kōņaan ikkure ālkin nokin in jota an baam̧le. Juon iaan ikkure ko rem̧m̧an aer, “Trunky the Elephant,” kar etōņake ālkin juon al leddik eo nejim, Jocelyn, kar katak ilo jikuuļ. Ālkin am kar aolep al al eo, Iaar juon Trunky im kauweik ajri ro itulūkū. M̧oktata, ļaddik eo nejū ruo-iiō-dettan, Jorge; innām, leddik eo nejū emen-iiō-dettan, Jocelyn, im āliktata lio pāleō, Elizabeth, ekar iuwe tok. Kōn aoleperjel itulikū, Ikōn kauweik er ipeļaakin ettōņaak eo. Eaar ļap am limo.
Iiō ko tok ālik, ajri ro nejū raar rūtto erro jim̧or raar kōttar kūr ko aer n̄an mijen. Ilo juon nokin in jota an baam̧le, raar kememej “Trunky the Elephant.” Kōm kar al juon al ippān doon; innām, ālkin bōjrak ium̧win elōn̄ iiō ko, Iaar bar juon alen erom elephant. Ļaddik eo nejū m̧oktata, innām leddik eo nejū, im āliktata jinier eaar tallōn̄ ioon likū. Iaar pedo ioon laļ, im kōm kar aolep ettōn̄.
Ememļo̧k eo kōn iien eo ekōm̧m̧an bwe kōmin kam̧oolol bwe rikanaan ro raar katakin kōm kōn nokin in jota an baam̧le. Kōm kar katak bwe jekdoon ta ewi jon̄an pidodo in nokin in jota ko an baam̧le am emaron̄ in kar, men eo aorōk tata ej bwe ewōr tōre ko kōmij m̧ōņōņō ippān baam̧le ko ad, tōre ko me rej kōkajoorļo̧k ekkeijel ko ad indeeo.
Víctor G. Chauca Rivera