Ak Ejjeļok Kabun̄ In Ijin
Julie Ismail, Western Australia, Australia
Ilo juon tūreep n̄an Mediterranean, Iaar niknik in kar pād ilo kweilo̧k ko an Kabun̄ in jabdewōt jikin Imaron̄ kar. Ilo Seville, Spain, Iaar laajrake jipan̄ eo an rijerbal eo an hotel eo, bok in talboon eo ijo, im juon map in jikin eo n̄an jipan̄ eō pukōt im̧ōn jar eo ijo an Armej ro Rekwojarjar ilo Raan Kein Āliktata. Iaar je atreej eo im etan Kabun̄ in ilo kajin Spanish. Joten Jādede eo Iaar jar n̄an jeļā jete awa kweilo̧k ko raar ijjino, im eaar kajoor Aō en̄jake im̧we eo bwe Iaar aikuj in pād ijo 10:00 a.m.
M̧okta wōt jen Aō kar etal n̄an jar ilo 9:30 ilo jibbon̄ in Jabōt eo, Iaar bar jar bwe In kar maron̄ lo im̧ōn kweilo̧k eo. Ļoor map eo aō, Iaar jino ilo̧k ilo juon iaļ ko raiddik rōkapokpok. Eaar juon jibbon̄ aiboojoj. Iaar eļļā jān jikin m̧ōn̄ā ko im juon jikin wia kake bao eobraak kōn bao ko eļap ainikien.
Iaar tōkāākļo̧k ilo atreej eo n̄an lo bwe ejjeļo̧k jabdewōt men āinwōt jikin jar ļo̧k wōt n̄an jidik. Iaar ito-itak ilo iaļ eo pukōt jikin eo ilo ejjeļo̧k tōprak. Iaar pok im inepata, im eaar enan̄in 10:00 a.m.
Āliktata, Iaar jar n̄an Jema ilo Lan̄: “Kwaar kakien eō n̄an ilo̧k n̄an jar, im N̄a in ijin, bōtaab ejjeļo̧k m̧ōn jar ijin.”
Innām juon em̧m̧aan ej kōņaak juon koba em̧m̧an eaar itok iturin kona eo tok. Eaar āinwōt jun membōr in Kabun̄ in, im kar im̧we Eō n̄an kabōjrak e. Ilo juon jekjek eo epen meļeļe, Iaar jiron̄ e Iaar pukōt juon m̧ōn jar. Eaar ba juon men Iaar jab meļeļe, im Iaar āinwōt ipok. Kōn menin eaar kōpeļļo̧k būripkeiij eo an, im Iaar lo ruo bok kau kilier me raar āinwōt jeje ko rekwojarjar. Iaar leļo̧k n̄an e peba jidikdik eo aō eo me Iaar je “La Iglesia de Jesucristo” (Kabun̄ eo an Jisōs Kraist). Eaar ettōj im jitōnļo̧k iaļ eo Iaar itok jān e, im kōmro kar etetal ļo̧k ippān doon n̄an m̧ōn jar eo. Im̧weeo eaar pād ilo bar juon atreej eoktak jet wōt minit ettoļo̧k im eaar pidodo jab loe eļan̄n̄e kwaar jaje ia eo eaar pād ie. Eaar pād itulikin juon jukwea jidikdik, itulikn oror ko reļļap.
Ilo im̧on kweilo̧k em̧ōkaj Aō kar lo bwe em̧m̧aan eo eaar jipan̄ eō eaar ejjeļo̧k bar juon ak bisop eo an ward eo im bwe kweilo̧k eo eaar ijjino ilo 10:30 am.
Ilo iien kweilo̧k in jitlo̧k im naan in kam̧ool eo, kar im̧we Eō n̄an kwaļo̧k naan in kam̧ool eo aō. Juon mijenede eaar ukōt naan ko aō jān kajin In̄lij n̄an kajin Spanish, Iaar kwaļo̧k naan in kam̧ool eo aō im kar kōmeļeļeik ekōjkan an Iroj kar kōpooj juon iaļ n̄an n̄an n̄an tōparļok im̧ōn jar eo. Innām bisop eo eaar kwaļo̧k naan in kam̧ool eo an im kar kōmeļeļeik bwe eaar aikuj in baak ettoļo̧k kar ilo jibbon̄ōn eo, jān ke ekōn kōm̧m̧an. Ke eaar lo eō, eaar ļōmņak Iaar āinwōt juon membōr in Kabun̄ in, kōn menin eaar bōjrak n̄an jipan̄ eō. Innām eaar kōnono kōn membōr ro me rōjbwābwe ilo mour in jetōb im eaar ba jej aikuj in jipan̄ er lo Kabun̄ in.
Ium̧win iiō ko ememļo̧k ko aō kōn Sevilel raar jako ļo̧k, bōtaab ememej eo aō kōn pukōt m̧ōn jar kar ijo ejjan̄in. Bwe ememej ej juon naan in kam̧ool n̄an eō kōn iakwe eo eļap an Jemedwōj ilo Lan̄ n̄an kōj im bwe Pein ealikkar ilo mour eo aō eļan̄n̄e Ij pukōt aolep men ko me rej “jim̧or jerale em̧m̧an n̄an [eō]” (Rom 8:28).