Jodikdik
Eaar Kwaļo̧k n̄an Kōj Iaļ eo n̄an Bar Rool n̄an Ijo Jikid
“Rilo̧mo̧o̧r eaar itok n̄an laļ in n̄an kwaļo̧k n̄an kōj ekōjkan mour kōn karōk eo me eaar kōm̧m̧an ilo lan̄ —juon karōk eo me, eļan̄n̄e mour kake, enaaj kōm̧m̧an bwe jen m̧ōņōņō. Waanjon̄ak eo An eaar kwaļo̧k n̄an kōj iaļ eo n̄an bar rool n̄an ijo jikid ippān Jemedwōj Ilan̄. Ejjeļo̧k bar juon eaar mour me me eaar ‘pen im dim’ (Mosaia 5:15). Ejjan̄in kar poo. Eaar kalimjōk wōt kōm̧m̧ane ankilaan Jemen, im Eaar pād wōt ilo an m̧ool n̄an mijen eo an ekwojarjar. …
“Kom̧ij juon m̧ōttan karōk eo ekabwilōn̄lōn̄ me kar kwaļo̧ke ilo mour eo m̧okta. Ami itok n̄an laļ in kiiō em̧ōj kar elmakote jān ke karōk eo kar bōke. Jerbal eo ami ilo tōre im jikin in eaar jab jide. Kōn ‘tōmak aer eļap im jerbal ko aer rem̧m̧an’ (Alma 13:3) innām eaar likūt pedped eo n̄an ta kom̧ maron̄ kōtōprake kiiō eļan̄n̄e kom̧ij tiljek im pokake. … Ewōr ami juon jerbal eļap n̄an kōm̧m̧ane. N̄an kōtōprak mijen eo ami ekwojarjar im mour kōn karōk in lem̧ōņōņō eo, kom̧ij aikuj barāinwōt pen im dim.”
Elaine S. Dalton, būreejtōn eo eutiej Doulul eo an Jiron̄ ro, “At All Times, in All Things, and in All Places,” Liahona, Māe 2008, 116.