Te Ota ae kaineti ni Kaota te Tembora
Copenhagen Denmark Tembora
E moan katabuakaki bwa te umantabu ae te Priorvej irarikin nukan Copenhagen, Denmark, inanon 1931, te kateitei ae tikiraoi n uraura burikina e riki bwa te 118 temboran te Ekaretia ngke e a katabuakaki ni Meei 23, 2004. E kabwarabwaraaki bwa “te tembora ae boou inanon te auti ae a bakanako ririkina.”1
Tinanikuna ngkoa—n ikotaki ma moana are e a katamaroaki n rainiaki are e a reitaki ma te mataroa te kai—e kateimatoaki ao ni kaokaki ma nanona e a rinanon te onobwai ae bubura. Tamnei iaon te oo ao korotamnei iaon tamnei man te tabo aio are e a kaota raoi te tembora aio ae bon mai Danish ao Swedish. Nimaua winto aika rietata aika karaoaki man te kiraati ake a biri n iterana ake itinaniku, ake iai taubukiia ae a karaoaki man te kaobwa ma taubukina ae e mronron ae karaoaki naba man te kaobwa.
N tain katabuan te tembora Beretitenti Hinckley e tataro bwa Tamara are ikarawa e na “riingi nanoia ake a beku inanona ma otaia are Ana kantaninga ma irouna ao Ana mwakuri aika mimitong ni kakoroa ‘bukin te aki maamate ao te maiu ae akea tokina iroun te aomata’” (Moote 1:39).2