Ni Karokoa Ae Ti A Manga Kaitiboaki
Un, Biri nako, ke Butimwaea te Oro?
Ngkana ti kaitara ma te bwainikirinaki, tera te bwai ae tina kona n rineia ngkai ngaira ana reirei Kristo?
I aki rangin koaua raoi n te bwai ae n na karaoia n te bwakantaai anne n au ka 14 n ririki. I kakerikakaki ao ni katuruaki ma tinanikun oon au reirei, ao temanna ae e korakora riki nakoiu e karaua n tiribooai. Ngke I a katobibiaki irouia iteran mwaitiia raoraona, I baireia bwa n na butimwaea te oro.
E oreai, ao imwiina e toubekaai. E mwaiti ana tai.
N tokina ao a nako ngaia ao raoraona. E a roko au bwati, ao I a tamarake nako eeta. I aki te roko n tabeka atuu ni karokoa ae e tei te bwati n te tabo are n na ruo iai. E ngae ngke 50 te ririki imwiina, I tabe n iangoia ngkana I karaoa arei ibukin karakon te ninikoria ke ibukin te nano ni Kiritian ae taotaonakinnano ao n nanoanga.
Te bwai are e riki aei e na katika au iango nakon tabeua titiraki aika aki oota raoi aika ti kaitara mangaai ngkai ngaira Aomata aika a Itiaki. Ngkana a kauntabaaki ara koaua, tina un, biri nako, kee ti na butimwaea te oro?
Ana taeka te Tia Kamaiu e tara ni mataata: “Ma ane boa tabam ane mai ataim, ao ko na raira tabam ane teuana nakoina” (Mataio 5:39). I rangin mimi angin te tai, Iesu e bon tii kabonganai kanikina n reireiniia Taan Riimwiina n aki kaekai mwakuri ni kamwaraki ibukin te waaki n irantaanga ke ni kabomwii, ae n aron ae e kakaraoaki? Tao bon anne.
Ao irarikina, iangoa te reirei n te Doctrine ao Covenants.
N 1833 te Ekaretia e boni kaitara ma te bwainikirinaki ae korakora, ai moararariki i Missouri. Ni kamanoi maiuia, kaain te Ekaretia a tauraoi ni kabonganai aia bwai ni buaka ao n un. N te bwai are e riki anne, te Uea e kaota mwakoro 98. Inanona, E reireiniia bwa a na katokia—are kaineti ma taian kaetieti. Iai mwakaia ni kamanoia, ma ngkana a katokia, E na bon anganiia kanuangaia. Ngkana taan kairua a bubuti ibukin te kabwara bure, Aomata aika a Itiaki a na kabwaraaki aia bure “itingaun kamwaitia itiua te tai” (te kibu 40). N aron te nako ni buaka, boni ngaia taan moan katuaeaki ibukin te rau ao n tiku inanon te bobobuaka ngkana e bon baareia te Uea.
A bibitaki taai imwiin boong aika a bubuaka akanne, ma ni kawai tabeua, te Ekaretia e teimatoa naba iaan te bwainikirinaki. Ara reirei e bon aki rangin matata raoi. Te namakin ae koaua n aki taun te reirei, bon te bukibuki ae e aki iranaki, ao keewe aika a ritinaniku a kabutaki n aron ae koaua.
Tera ae ti riai ni karaoia? Ngkai ngaira ana reirei ti na kataia n “riki bwa taan kakoaua ibukin te Atua n taainako ao ni bwaai nako, n taabo nako ake kam nako iai” (Motiaea 18:9), ti riai ni karaoa te bwai teuana. Tiaki kona ni biri ke ti riai n un ke ni butimwaea te oro?
Ni bwaai aika a riki, ti kona n taraia burabeti. N taian maungatabu ni kabuta aika a tibwa riki, I korei tabeua tain taetae ni kabwarabwara nnen te Ekaretia ibukin taian maroro aika aki karau nano ao ni kamangaongao. Taan taetae aki uotiaa rikaaki aomata, ma ke ni kabwarai nanoia. Angin te tai ao a ukoukori bwaai ake aki nano iai tabeman ma ngaira. A rangin karinerine. A rang kataia bwa a na matata ao e na matata te aba irouia.1
Iai n taai tabetai ngkana bon te rinerine bwa kona riai n un, biri nako, ke ni butimwaea te oro. Ma angin te tai ao boni iai ara rinerine ae tamaroa. Ti kona n rootia n ara tangira, ngkai Iesu ao Ana Abotoro a karaoia.
Kabwarabwaran te koro banna iroun David Stoker