Të Ndihmojmë për të Ushqyer Qengjat e Shpëtimtarit

Nga Presidenti Henri B. Ajring

Këshilltar i Parë në Presidencinë e Parë

Nga një bisedë në konferencën e përgjithshme të tetorit 1997.

President Henry B. Eyring

Shpëtimtari qe kryqëzuar dhe pastaj qe ringjallur. Dishepujt e Tij kishin shkuar në Galile. Ata patën peshkuar nëpër natë, pa zënë asgjë. Kur arritën pranë bregut, në agim, ata në fillim nuk e njohën Atë. Ai u thirri atyre, duke iu thënë se ku t’i hidhnin rrjetat dhe, kur ata i hodhën rrjetat, ato u mbushën. Ata nxituan që të përshëndeteshin me Të tek bregu.

Ata gjetën një zjarr me prush dhe peshk që po piqej dhe bukë. Atëherë Ai u dha atyre një urdhërim, i cili ende vlen për secilin nga ne.

“Mbasi kishin ngrënë, Jezusi i tha Simon Pjetrit: ‘Simon nga Jona, a më do ti mua më shumë se “këta?’ Iu përgjigj: ‘Po, Zot, ti e di se unë të dua’. Jezusi i tha: ‘Kulloti qengjat e mi!’” (Gjoni 21:15).

Shenjtorët e Perëndisë kanë qenë përherë nën besëlidhje për të ushqyer njëri-tjetrin shpirtërisht, veçanërisht ata që janë të dobët në ungjill.

Një fëmijë mund të bëjë gjërat të cilat ushqejnë besimin e të tjerëve. Fëmijët mund të ftojnë një të porsakthyer në besim të vijë me ta në një mbledhje. Fëmijët mund t’u buzëqeshin e të përshëndesin një anëtar të ri që hyn në një godinë kishe ose në një klasë. Dhe kur veprojmë ashtu, Fryma e Shenjtë do të jetë shoqëruesi ynë.

Çdo fjalë që ne flasim mund ta forcojë ose ta dobësojë besimin. Neve na nevojitet ndihmë nga Shpirti për të thënë fjalët të cilat do të ushqejnë dhe forcojnë.

Ne mundemi që thjesht nëpërmjet bindjes ta ndihmojmë Zotin t’i marrë qengjat, qengjat e Tij, në krahët e Vet drejt shtëpisë tek Ati i tyre dhe Ati ynë.

Unë e di që Jezusi është Krishti. Unë e di që Ai jeton. Dhe e di që ai na udhëheq ne në këtë punë – punën e Tij – që të bëjë të ndodhë jeta e përjetshme e fëmijëve të Atit të Tij.

Të ushqesh do të thotë të kullotësh.

Përkujdesja për Qengjat

Qengjat janë të pafuqishëm dhe nuk mbrohen dot vetë. Atyre u duhet një përkujdesje e veçantë, në mënyrë që të rriten për t’u bërë të shëndetshëm e të fortë. Shikoni figurat e disa gjërave që u nevojiten qengjave.

Ushqim

Ujë

Një vend i sigurt për të fjetur

Mbrojtje nga ujqërit dhe rreziqe të tjera

Cilët Janë Qengjat e Shpëtimtarit?

Shpëtimtari u kërkoi dishepujve të Tij që të përkujdeseshin në mënyrë të veçantë për njerëzit që nuk janë të fortë në ungjill apo që janë anëtarë të rinj të Kishës. Ai i quante këta njerëz “qengja”. Atyre u duhet dikush që t’i ndihmojë, që ata të bëhen të fortë – të fortë në ungjill.

Ngjyrosni figurat e gjërave që fëmijët mund të bëjnë për të ndihmuar qengjat e Shpëtimtarit. Pastaj vizatoni një figurë të diçkaje që mund të bëni ju.

Përshëndetni një anëtar të ri të klasës suaj.

Ftoni një mik që të vijë tek Fillorja.

Ndani me të tjerë Liahonën.

Nga e majta: Qengji i Humbur, nga Del Parson; fotografitë e ujkut dhe të qengjit © Getty Images; fotografija e hangarit © Corbis; fotografitë e ushqimit e të ujit, nga David Stoker; ilustrimet nga Apryl Stott