E te Atamai i Ala o Faasalalauga?

O komepiuta, televise, ma tifaga e mafai ona fesoasoani ia te oe e te aoao ai ma e fiafia ai. Ae o loo i ai foi ni vaega leaga e ono faamanualia ai oe. O auala nei e 10 e mafai ona tumau ai lou saogalemu pe a e faaaogaina komepiuta pe matamata i le televise:

1. Ia fesili i taimi uma i se isi o ou matua mo se faatagaga ae e te lei faaaogaina le Initoneti pe matamata i le televise, ma ia faaaoga komepiuta po o televise i na o nofoaga e faaaoga e tagata lautele o lou aiga, i se nofoaga e mafai ona iloa mai e ou matua.

2. Alu i na o Uepi saite lava ua tou iloa ma ou matua e lelei mo tamaiti. Fai i ou matua e seti lau televise ma lau sue Uepi ia poloka ai mea leaga.

3. Aua e te fefe e aluese mai le potu pe fai atu foi i se isi e tape le ata tifaga, taaloga vitio, po o pese e oo ai ia te oe faalogona le lelei.

4. Afai e i ai sau itulau i luga o se Uepi saite o fesootaiga lautele, fesili i ou matua e fesoasoani ia te oe e faamautinoa o le a le mafai ona vaai tagata e te le iloa i lau itulau.

5. A e alu i luga o le Initoneti, aua le tuuina atu fua i se isi e te le iloaina ou faamatalaga patino e pei o lou igoa, tuatusi, ma le numera o le telefoni.

6. Aua lava nei e ave atu sou ata i se tasi e te le iloaina.

7. Ia aua lava nei e ioe e te lua fetaui ma se tagata na lua “feiloai” i luga o le Initoneti. Afai e fai mai se isi e te lua fetaui, ia ta’u i ou matua.

8. Aua nei tuuina atu i se isi au upu tatala.

9. Aua le tatalaina se imeli mai se tagata e te le iloaina. Afai e te maua se imeli e te le o mautinoaina, ia faailoa atu i ou matua.

10. Saili ni gaoioiga malie i luga o le Uepi saite o le Uo i le www.friend.lds.org!