Ua Faatuina Se Misiona Fou i New Delhi, Initia
O le faasilasilaina mai e le Au Peresitene Sili ma le Korama a Aposetolo e Toasefululua o le Misiona Fou i New Delhi i Initia, ua faatuina ai le misiona lona lua i totonu o lea atunuu i Asia pisapisao ma le pisi, ma ua 348 ai le faitau aofai o misiona i le lalolagi.
O le misiona fou, lea na tatala i le aso 1 o Novema, 2007, na fausia mai le vaeluaga o ni misiona se lua: o le Misiona o Bangalore ma le Misiona a Sigapoa.
O le Misiona Fou o Delhi e aofia ai le vaega i Matu o Initia, Nepal, Pakisitana, Bangladesh, ma Bhutan. O Gary R. Ricks, o ni faamisiona sinia ma lona faletua o Florence, ua valaaulia e avea ma peresitene o le misiona fou. O le isi vaega o totoe o le atunuu o le a i ai pea i le Misiona a Bangalore i Initia, e faaopoopo i ai ma Sri Lanka. O le Misiona a Sigapoa, e aofia ai Sigapoa, Meleisia i Sasae, ma Meleisia i Sisifo.
E olaola tele le galuega faafaifeautalai i ia misiona e lua. O le a faaitiitia femalagaaiga i le mamao ona o le i ai o lenei misiona lona lua, ma tele ai le taimi o le peresitene o le misiona e galulue faatasi ai ma faifeautalai.
Sii mai le Church News, 6 Oketopa, 2007.