Nooran te reitaki
E a tia Chen, Yang Su-yuan ni mataki man te ririki 1981, ngke e reke ana kanganga imwiin korean matana. Buan ana taratara e buokia ni kunea te euangkerio ao kakaawakin te tembora ao te mwakuri ibukin rongorongoia utu ngkoa.
Imwiin are e a mataki, ao Titita Chen e aki ataia ae ngaia ataeinaine ake uoman ake a tuatua te mangko n ran bon mitinare. Butimwaeakiia n rin e bon karika te kaokoro ni maiuna.
“Angiia aomata a iangoia bwa akea bonganan maiu bukina bwa I a mataki,” e taku Titita Chen. “Ma tiaki anne ae tangiria te Atua bwa e na tuangai. E kanakoia mitinare imwiin buan au taratara bwa ana reireinai ae ngaira ni kabane bon natin te Atua ao E kaboi maiura n te mwaiti ae rangi ni bubura. I reiakin kakawakiu bukina bwa e kabooi maiura Iesu. I bon rangi ni kakaawaki.”
Man te tai anne ao e a tia, Titita Chen ni beku n nakoa aika mwaiti n te Chung Li First Uoote, Tao Yuan Taiwan Titeiki, n ikotaki ma ana beku n te tembora man te ririki 1992.
Ma buan ana taratara bon tiaki ti ngaia te kataaki ae a tia ni kaitara ma ngaia Titita Chen. N te ririki 1987 e kuri ni mate imwiin reken te bwai ae kakanoa n te ran n rabwatana are e kainnanoa kanakoan riin kaokaona. E maiu, ma ana tarau ibukin bwainaorakiana e a kabanea ana karinimwane. E titirakinna ibon irouna bwa bukin tera te Atua e aki ana maiuna.
E taku bwa Ana kaeka E kangai, “A mwaiti am mwakuri ae ko riai ni katiai.”
E aki maan imwina, ao e namakina te wewete ibukin rongorongoia utu ngkoa.
“I mimi, bwa N na kanga ni karaoa te riki ngkai I aki kona n noraaba?” e taku. “Ma te namakin e aki bua.”
Man ana ibuobuoki raoraona ae tangiraki, e a tia ni kuneia 22 te roro man oin rikina ao ni karaoi otenanti ni kabane ibukiia aine. E mwakuri ngkai ibukin rikiia ana bakatibu. Inanon ana mwakuri, e noora kangangan raurenakon te reitaki imarenan te mwakuri n te tembora ao rongorongoia utu ngkoa.
“A rangin ni mwaiti otenanti aika ti karekei n te Tembora, ao a bane ni kakaawaki,” e taku Titita Chen. “Ma ti riai ni karaoi ara mwakuri ibukin rongorongoia ara utu ngkoa. Ti aki kona n anga otenanti aikai nakoia ara bakatibu ngkana ti aki karaoa moa ara riki.”
“Rongorongoia utu ngkoa ao mwakuri n te tembora bon mwakuri aika ti teuana,” e taku Unimwaane Dennis B. Neuenschwander te Kaitingaun. “E riai te kakae iaon rongorongoia utu ngkoa ni boboto iaon karekean aara ibukin otenanti n te Tembora, ao otenanti n te Tembora boni ngaia raoi bukin te kakae iaon rongorongoia utu ngkoa.”1
E kaitara ma te aoraki ae boou Titita Chen ngaia are e a karika ana kanganga imwiina are te toki ni buro. Uabwi te ririki imwiin are moan titirakina te Atua bwa bukin tera ngkai e a tia ni katikua ni kamaiua, e kunea bwa titebo ana titiraki are e a tia n titiraki iai mai imwaina—ao e karekea naba te kaeka ae ti tebo. “I bon tuai n tuangko mai mwaaina?” e namakinna bwa e taekina aei. “Iai riki mwakuri n te tembora aika ko na karaoi.”
Ngaia are e teimatoa Titita Chen ni kabanea teuana te wiiki ni katoa namwakaina n te tembora.
“Aikai bwaai aika ti riai ni karaoi ibukiia ara bakatibu ake aki kona ni karaoia ibon irouia,” e taku neiei. “N aron au kangaanga, bon akea katabean au tai n te mwakuri ao ni bwaai riki tabeua n aroia tabeman. I tangiria ni mwakuri korakora ngkai I kona.”