Te Tataro ma Au Tia Reirei n te Mweenga
I maama ni kaotia, ma iai te tai are I taku bwa taan reirei n te mweenga a riki bwa kaanga taan kabononano nakon ae te kakabwaia. N aron taai aikai N na kakaea te kawai are N na aki mena imwaain rokoia bwa I aonga ni katiai au mwakuri.
Ngaia are ngke e a riki Lincoln bwa ara tia reirei ni mweengara, e a bon roko uniu ae okoro. E aki kona ni bua ana kakaawari. E aki toki n tatauraoi ana reirei, ao e karaoi ni koaua katabeana n tia reirei n te mweenga. I kakaitau n aron korakoraia ma e aki tau arou ni kona ni kabanea au tai ni kakauongo nakoina ma toana n aia kakaawari n te namwakaina. E bon nimamannei man akoi Lincoln; n angiin te tai ai bon akea au katei.
Teuana te ririki ni moan te tiburing, ao I mwakuri itinanikun te auti. E itiaki te bong anne man kabuebue teutana. I aki toki ni kunea bwa te ununiki e kamarurung, ma n te bong aio I a bon taonaki n te mangaongao ao te un. Kaainabau te mwaane e a tibwa tia te korokoro nakon nuukana ao ni mamaara imwina, ao n aron ae te utu ao tia kaaitara ma babaire aika matoatoa.
Ibukin kainnanoan te kaeka, ao I katorobubua inanon te onaroka. A wawanako ranin matau ngke I tataro ma nanou ni koaua ibukin te kairiiri mairoun te Uea. I tangira te karaunano. Ngkana I kona ni karekea teutana te karaunano bwa a na aki kananokaawakiira nakon taai aika imwaira n aron ae ngkai. I tataro mwaaka ma nanou ni koaua, n takaarua n tabetai, ni bubutia te Uea ibukin te kakorakoraaki ibukin karekean te rau.
Ngke I a okira te auti imwin au bubuti nakon te Uea, e rootai te kua. I kukurei bwa akea aomata n te auti bwa I aonga ni motirawa raoi. E aki maan imwin ae I a tibwa buuti au kau ni mwakuri ngke e a tang naba beeron te mataroa. I bon aki kantaningaia ae Lincoln e na mena n au iango, ma ngke I a kauka te mataroa, e a tei ikekei ma buuna, n akea ana bwai n reirei.
Ai tibwa te moan tai, ae I noora iai te kukurei. I a kariniia inanon te auti. Ti kangare ni marooro, ao Lincoln e a titirakinai taekan ana mwakuri buu te mwaane, natira aine ake niiman, ao bwaai riki tabeua ibukin ara utu. A aki tiku ni maan, ma ngke a teirake bwa a nang nako, e titiraki Lincoln ngkana e kona ni katuka te kakabwaia iaon mweengara. I a bon kakaitau, ni miimi bwa e kanga n ataia ae e rangi ni kainnanoaki te tataro. Ti katorobubua, ao ngke I kakauongo nakon ana taeka ibukin te karaunano, e bon bubuti ni kaonoti ibukin te kakabwaiaki ma te rau nakon mweengara.
Inanon te tai anne ao I namakina te mweeraoi ae roota nanou. I ataia imwiina bwa te Uea e kairiira ao a na nakoraoi bwaai ni kabane.
A tia ni kaekaaki au tataro ni kaineti ma nano ni koaua rinanon Lincoln, ara tia reirei n te mweenga ae kakaonimaki. N ana kakaonimaki ni mwiokoana ao n iriira ana wirikiriki te Tamnei ae Raoiroi, e katukai ma au koaua ibukin kaakawakin ao tabun weteana.