O Le Feagaiga Fou

E 27 tusi o le Feagaiga Fou. E mafai ona vaevaeina i ni vaega autu se fa. Ina ia faia se tusi laitiiti o le a faamatalaina ai le faasino upu o le Feagaiga Fou, oti ese faatafafa i luga o laina mafiafia. Fai ni pupu i togitogi i le tulimanu tauagavale pito i luga o faatafafa. Faatulaga ia faatafafa i le faasologa o numera. Faapipii le isi faatafafa i le isi, e ala i le nonoa i se fasi vulu, manoa, po o se lipine tuaiti i pupu ona nonoa faalipine lea.

Faamatalaga: Afai e te le manao e aveese itulau mai le mekasini, e mafai ona kopiina, tusi lolomi, pe fai se kopi o lenei gaoioiga mai le www.lds.org. Mo le Igilisi, kiliki i le “Gospel Library.” Mo isi gagana, kiliki i le faafanua o le lalolagi.

O Evagelia, po o Molimau

O le vaega muamua o le Feagaiga Fou e aofia ai le tusi a Mataio, Mareko, Luka, ma Ioane. O lenei vaega e taua o Evagelia, po o Molimau, aua o nei tusi e fa o loo tau mai ai e uiga ia Iesu Keriso—Lona fanau mai, Lona soifuaga ma aoaoga, Lona Faasatauroga, ma Lona Toetu.

O Galuega a Aposetolo

O le vaega lona lua o le Feagaiga Fou e na o le tasi le tusi e aofia ai, o le Galuega a Aposetolo. O loo taua ai le faaauauina e Aposetolo e Toasefululua ona aoao atu le talalelei ma fausia le Ekalesia ina ua mavae le maliu o Iesu Keriso.

O Tusi

O le vaega lona tolu o le Feagaiga Fou ua taua o Tusi. O loo i ai nisi o tusi na tusia e uluai taitai o le Ekalesia i paranesi eseese o le Ekalesia, ma aoao atu ia i latou mataupu faavae o le talalelei ma le auala e ola ai. O nisi o nei tusi ua faaigoaina i aai na nonofo ai tagata na talitonu [ia Iesu], ae o nisi ua faaigoaina i le tusitala na tusia.

O Le Faaaliga a Ioane le Paia

O le vaega mulimuli o le Feagaiga Fou o loo i ai le tusi e tasi, o le Faaaliga a Ioane le Paia. I le faaaogaina o faailoga ma faatusa, o loo faamatala ai galuega a le Faaola o Iesu Keriso ma tagata o augatupulaga uma i le talafaasolopito o le lalolagi. O loo taua ai foi le Afio Mai Faalua o Iesu, le Meleniuma, ma le taimi o le a avea ai le lalolagi ma selesitila.