Faia o Uo
I Se Nofoaga Lelei—Naomi Hug o Münchenstein, Suitiselani
O Naomi Hug, 10, e tutusa lona matua ma lana uarota. I le faamanatuina o le 10 tausaga a lana uarota, sa na faia ai lana lauga muamua i le sauniga faamanatuga. Sa faateia o ia, o lea na pei ai e tagi! “Sa matuai malosi le Agaga, sa le mafai ona ou tauina atu le malosi na ou lagonaina,” na tusia ai i lana api o talaaga. Sa ia tau atu i tagata o le uarota, “Ou te faafetai ona ua ou fanau i totonu o le Ekalesia. Ou te lagona e pei ua ou i ai i se nofoaga lelei.”
E faia foi e Naomi lona nuu i Suetena ia sili atu ona lelei e ala i le faasoa atu o ana taleni, molimau, ma laumata ataata i tagata e nonofo ai iina.
O le mea e sili ona fiafia Naomi e fai o le tauina ma le faiga o teufugalaau. E tuu atu e lona tinamatua, lea e fai sona faleoloa faatau fuagalaau, o ia e fesoasoani atu. Ina ua fesiligia o ia pe i ai se fugalaau e sili ona fiafia i ai, na ataata ma faanunumi lona muaulu. “Ioe, ae ou te le iloa le igoa!”
O isi ona matua matutua e nonofo i Zollikofen, e tusa ma se itula e alu ai i le taavale mai Münchenstein. O lona tamamatua o le peresitene o le Malumalu o Bern Suitiselani, e tu i Zollikofen. E o atu uma le aiga iina mo se asiasiga i le Kerisimasi, o lea e vaai ai Naomi i ona aiga faapea foi le malumalu.
E toafa ona uso: Natascha, 9; Marica, 5; Sinja, 4; ma Piera, 2. O le a le mea e aupito sili ona manaia e uiga i ni uso? o le tala lea a Naomi, “A e fia taalo, e le mafai ona e taalo na o oe.”
E fiafia Naomi ma Natascha e pele mapu i o latou tuafale. Ae e le manaia, pe a manumalo lou uso i mapu e sili ona e fiafia i ai! o le tala lea a Natascha.
La te fiafia foi e tata musika faatasi. O Naomi e ta tenipalau, ae o Natascha e iliina le pu [foafoa]. Latou te faataitaia le taina o mea fai musika ma le anoano o tamaiti, po o cliquen, i le tausaga atoa ona faafiafia ai lea ia Fepuari. O le taimi lena e faamanatu ai e tagata Suetena se aso o fiafiaga mo ni aso se tolu, e faatusa i le tulieseina o le taumalulu ae faafeiloai atu i le tautotogo. E ofu e Natascha ma Naomi ni toniga ma savavali i le auala o Basel ma tata a la musika.
O Basel, e i le tuaoi tonu o Farani ma Siamani, o le aai lea e aupito lata atu i le nuu o Naomi. O iina e mafai ona e savalivali ai i magaala lea e toeitiiti 1,000 tausaga le matutua ma matamata i vaa o tafetafea ifo i le Vaitafe o Rhine.
O Suitiselani e fa ona gagana faaleatunuu—Siamani, Italia, Farani ma le Romania—ae o le toatele o tamaiti aoga e aoao foi le tautatala i le Igilisi.
O Naomi e tautala i le faaSiamani ma le Igilisi, ae e tusitusi i le tele o ana api o talaaga i le faaSiamani. E fesoasoani lena na te manatua ai mea taua na tutupu e pei o lana lauga i le Peraimeri ma [lona] papatisoga. O le taimi nei o loo aoaoina ai le faaFarani ma ua fiafia lava i ai—e le o toe umi, ae le toe tautatala faaFarani ona matua pe a i ai o ia, pe a la mananao e faamatala ni mea lilo!
O le auaiga o Hug e tautatala Igilisi i le taimi o afiafi faaleaiga, e pei ona latou faia i taimi uma i le fale, aua e fesoasoani i tamaiti e iloa lelei ai tautatala. E masani lava mo afiafi faaleaiga, latou te savalivali atu ai i nofoa uumi i le togavao e lata atu i le latou fale. Latou te taua o le “nofoa umi o le afiafi faaleaiga.” O lenei savalivaliga o se aga masani lea e sili ona fiafia i ai le aiga na tuufaasolo mai a o laitiiti lava le tina o Naomi.
Po o le a lava le gagana, e taumafai lava Naomi ma lona aiga e tautatala i upu o le alofa ma le agalelei. O le alofa e pei ai nofoaga lelei o le aiga.